SMBOSS#3ଅସମାପ୍ତ ଅନ୍ୱେଷଣ
SMBOSS#3ଅସମାପ୍ତ ଅନ୍ୱେଷଣ
କାଳରାତ୍ରି ର ଅଲିଭା ଦାଗ କୁ
ଲିଭାଇବା ମତେ ତ ଆସୁନି
ଅଭିନୟ କରି ଯାଉଅଛି ହାରି
ଲୁହ କୁ ଲୁଚାଇ ତ ପାରୁନି।
ଆଜିକିଆଁ ସ୍ମୃତି ମତେ ଡ଼ରାଉଛି
ଅସମାପ୍ତ ଏ ଅନ୍ୱେଷଣ
ନିଃସଙ୍ଗ ମନର ଅନେକ ଯନ୍ତ୍ରଣା
ଫଗୁ ରଙ୍ଗହୀନ ଏଫଗୁଣ।।
ଈଶ୍ୱର ସୃଷ୍ଟିରେ ପ୍ରଶ୍ନବାଚୀ ମୁଁp
ବିଭ୍ରମିତ ଭାବନାରେ ହଜି
କୋମଳ କାରୁଣ୍ୟ ଜୀବନ ଜିଞାସା
ସ୍ନେହ ପ୍ରେମ ଡୋର ହୁଏଖୋଜି।
ତୁମ ଆତ୍ମିୟତା ସଂପର୍କ ର ଡୋର
ହଜିଗଲା ତୁମ ଗଲାପରେ
ହୃଦୟ ଫାଟକ ମେଲାକରିଦେଲେ
ଏବେବି ପ୍ରିୟ ଏ ମନଝୁରେ।।
ତୁମେ ନଥିବାର ଏ ଅଲୋଡା ସଂସାର
ଲାଗୁଅଛି ମତେ ତ ଜହର
ପ୍ରିୟତମ ଶୋକ ସାଗରେ ଭାସୁଛି
ବହୁନାହିଁ ସୁଖର ସମୀର।
ତଥାପି ଆଶା ର ମଉଳା ଫୁଲରେ
ପାଖୁଡା ମେଲୁଛି ତୁମପାଇଁ
ତୁମେକହିଥିଲ ମୋ ହସ ଦେଖିଲେ
ହସୁଥିବ ସେ ପୁରରେ ରହି।।