ରଙ୍ଗ ପାପୁଲି

କେତେ ଯତନେ ପିଚକାରୀ ପର୍ବ ଆସି ବୋଳି ଗଲା ରଂଗ

ଶିହରଣ ଖାଲି ଦରଦୀ ଏବେ ହାତ ପାପୁଲିରେ ତରଂଗ ।

ପାହାନ୍ତି କିରଣୁ ରବିଂକ ମଥାରୁ ଚେନାଏ ରଂଗ ଆଣି

ଫଗୁଣ ସାଥେ ଭିଜା ବସନ୍ତ ବକୂଳ ବନେ ହୋଲି କ୍ରୀଡା ପୁଣି ।

ବହୁ ପ୍ରତିକ୍ଷାର ଅନ୍ତ ଘଟାଇ ପାଣି ଫୋଟକା ପରି ନିମିସେ ସେ ସମାପନ

ହାତେ ଅବଶେଷ ସାଇତା ରଂଗ ପୁଣି ନୂଆଁ ଆବାହନ ।

ଏଇ ସନ ସବୁ ରଂଗ ସରିଗଲା ପୁଣି ଆଗାମୀ ବସଂତିକା ପାଇଁ ସପନ 

ଜୀବନ ଲହରୀ ବହି ଚାଲିଥାଏ ସାତ ରଂଗ ଶତ ଅଭିସାର ମାନ ।

ପୁଣି ନୁଆଁ ସକାଳ ନୂଆଁ ଅଭିଯାନ ସଫେଦ ଗନ୍ତବ୍ୟ ଯାତ୍ରା

ସାଉଁଟି ସାଉଁଟି ପାର କରିଦବା ନେଇ ସାଥେ ନବ ଅଭିଜ୍ଞତା ।