କଳା କଳେବର କାଳିଆ ସୁନା ମୋ

ସୃଷ୍ଟିକର୍ତ୍ତା ତୁମେ ବ୍ରହ୍ମାଣ୍ଡ ଈଶ୍ୱର

ପୁରୀ କ୍ଷେତ୍ରେ ଲୀଳା କରୁଛ ଠାକୁର !

ବୁଝିବ, କେ ମାୟା ଶକ୍ତି ଅଛି କାର

ହାତ ପାଦ ନାହିଁ ଲୀଳା କେଉଁ ତୋର !!

ଦେଇଛୁ ସର୍ବସ୍ବ ମନୁଷ୍ୟ ଜାତିକୁ

କର୍ମ ଯେ କରିବ ଏ ଜୀବ ଜନ୍ତୁକୁ !

କେଉଁ କର୍ମ କରେ ଦେଖୁଛୁ ତାହାକୁ

ଥାଇ ପୁରୀ ଧାମେ ପାଳୁ ବ୍ରହ୍ମାଣ୍ଡକୁ !!

ଦାରୁବ୍ରହ୍ମ ତୁମେ ପ୍ରଭୁ ନିରାକର

କରୁଣାକର ହେ ରଖ ତୁ ନଜର !

ଚରାଚର ପୃଥି ଅଧିନରେ ତୋର

କୃପାସିନ୍ଧୁ ପ୍ରଭୁ ଭକ୍ତେ କୃପାକର !!

ଓଡ଼ିଆ ଠାକୁର ପୁରୀ କ୍ଷେତ୍ର ବାସୀ

ଦୂରେ ରହି ଡାକେ ମୁହିଁ ଦିବା ନିଶି !

ବୃଦ୍ଧ ବୟସରେ ଧ୍ୟାନ ଯାଏ ଖସି

ଚିନ୍ତିତ ସର୍ବଦା ରହି ଅଛି ବସି !!

ଜାଳି ଦିଅ ଏଠି ଭାଷାର ପ୍ରଦୀପ

ଓଡ଼ିଆ ହୃଦରୁ ଯାଉ ଏ ସନ୍ତାପ

ଝରୁ ଅଛି ଅଶ୍ରୁ ଆମର ଅମାପ

ଦୂର କର ପ୍ରଭୁ ଆସିଣ ସମିପ !!

ବିଚ୍ଛିନ୍ନ ଯନ୍ତ୍ରଣା କିମ୍ପା ବୁଝୁ ନାହିଁ ?

ଭାଷା ଶିକ୍ଷା ପାଇଁ କାନ୍ଦୁ ଅଛୁ ଯହିଁ

କି କରିବୁ କହ ଜଗତ ଗୋସାଇଁ

ଆତୁରେ ଡାକୁଛୁ ଏ ଦୁର୍ଦ୍ଦଶା ପାଇଁ !!