ଝର କଲମ

ଜନ୍ମ କରିଥିଲେ ୟାକୁ ଯେଉଁ ଲୋକ

   ମରି କି ଆମର ଆଜି

ଯଦିଓ ବିଜ୍ଞାନ ମନେ ପକାଉଛି

   ଗୌରବର କୀର୍ତ୍ତିରାଜି

   ପ୍ରେମରେ ସଭିଏଁ ମଜ୍ଜି 

ଆଜିକାଲି କିନ୍ତୁ ଝର କଲମକୁ 

   କିଏ ବା ପାଇବ ଖୋଜି?୧

କିଏ ସେ ମାରିଲା ଝର କଲମକୁ 

   ଯା'ଥିଲା ବିଶ୍ୱକୁ ଦାନ

ବସିବା ହସିବା ମୋଟେ ହେଉ ନାହିଁ 

   ଜଡ଼ ସଦୃଶ ତା' ମନ

   ବୋଧେଥିଲା ହୀନ କର୍ମ

ଧ୍ଵଂସ ହୋଇଗଲା ବିଜ୍ଞାନ ଅସ୍ତ୍ରରେ 

   ନୀରବ ଆଜି ସ୍ପନ୍ଦନ।୨

ଜଗତରେ ଦିନେ ଚାଞ୍ଚଲ୍ୟ କରିଛି

  ପଣ୍ଡିତ କି ମୂର୍ଖ କେହି

 ଦରକାର ଥିଲା ମନୁଷ୍ୟ ଜୀବନେ 

   ଯେମିତି ଗଛର ଛାଇ

   ନୁହେଁ ଆଜିକାଲି ବାଇ 

ଝର କଲମଟା ଦିନେ ଥିଲା ବୋଲି

   କହିଲେ ହସିବ ଭାଇ।୩