STORYMIRROR

Binodini Dash

Inspirational

4  

Binodini Dash

Inspirational

ଭାବନା

ଭାବନା

1 min
297



ଚେତନ ମନରେ ଅଶେଷ ଭାବନା

ନିତି ଆସି ଖେଳେ ଦୋଳି

କେବେ ଉଡ଼ି ବୁଲେ ଗଗନ ବୁକୁରେ

କେବେ ଛୁଇଁଥାଏ ଧୂଳି ।


ଭାବନା ରାଇଜେ ଗଢ଼ିଥାଏ କେବେ

ସପନ ରାଜମହଲ

ହୀରା, ନୀଳା, ମୋତି, ମଣିମାଣିକରେ

ରୂପଟି ତା'ର ଅତୁଲ ।


କେବେ ହଜିଯାଇ ଅତୀତ କୋଳରେ

ସାଉଁଟି ଅଭୁଲା ସ୍ମୃତି

ସରସ ନୀରସ ଭାବ ସମାହାରେ

ହରଷ ବିଷାଦ ମତି ।


ଦିବାସ୍ବପ୍ନ ସତ ହେଉ କି ନହେଉ

ଦେଖିବାରେ ଥାଏ ଧ୍ୟାନ

ଏଥିରୁ ବିଚ୍ୟୁତ କେ ହୋଇ ନପାରେ

ଏ ତ ମାନବ ଲକ୍ଷଣ ।


କେଉଁ ଭାବ ରୂପ କେଉଁଠି ପହଞ୍ଚେ

ନିଜେ ବି ନ ଥାଏ ଜାଣି

ବହଇ କେବଳ ତାହାର ସ୍ରୋତରେ

ଅବାସ୍ତବ ମଧ୍ୟ ଜାଣି ।


ଭାବନାଟା ଯେବେ ଜଗତ ହିତରେ

କର୍ମ ହୁଏ ସେହି ମତେ

ଅସତ ଚିନ୍ତାରେ ରହିଲେ ମଗନ

କୁକର୍ମରେ ସଦା ମାତେ ।


ଗତି ମୁକ୍ତିଦାତା ଈଶ୍ବର ମନରେ

ପ୍ରତିକ୍ଷଣ ବିଚରଣ

ଯେବେ କରିଥାନ୍ତି କେଉଁ ମାନବର

ସେ ପଥ ମୋକ୍ଷ କାରଣ ।




Rate this content
Log in

Similar oriya poem from Inspirational