ଭାବଗ୍ରାହୀ

ଭାବର ଠାକୁର ତୁମେ ଭାବଗ୍ରାହୀ

   ଭକ୍ତର ଜୀବ ଜୀବନ

ବରଷକ ଥରେ ରଥ ଯାତରାରେ

   ଭକ୍ତଙ୍କୁ କରୁଛ ଧନ୍ୟ ।

ନଅ ଦିନ ପାଇଁ ଯାଉଛ ପ୍ରଭୁ ହେ

   ମାଉସୀ ମାଆଙ୍କ ଘର

ପୋଡ଼ ପିଠା ଖଣ୍ଡେ ଖାଇବା ପାଇଁ କି

   ମନ ବଳିଛି ତୁମ୍ଭର ।

ଟାହିଆ ପିନ୍ଧିଣ ଝୁଲିଝୁଲି ଆସ

   ବଡ଼ଦାଣ୍ଡେ ଭକ୍ତ ସାଥେ

ବାମନ ରୂପରେ ବିଜେ କରିଥାଅ

   ତୁମେ ନନ୍ଦିଘୋଷ ରଥେ ।

ତୁମରି ରଥର ଦଉଡ଼ି ଟାଣିଲେ  

   ମନକୁ ମିଳଇ ଶାନ୍ତି

ହେ ଚକା ନୟନ ତୁମ କୃପା ବଳେ

   ମଣିଷ ତ ପାଏ ମୁକ୍ତି ।

ବହୁତ ଦିନରୁ ଭାବିଛି ପ୍ରଭୁ ହେ

   ତୁମ ଦର୍ଶନ କରିବି

ତୁମ ଡ଼ୋରୀ ଥରେ ଲଗାଅ ମୋଠାରେ

   ରଥଯାତ ଦେଖି ଯିବି ।