ଲାଇବ୍ରେରୀ
ପ୍ରୋଫାଇଲ୍
ବଗ ଛୁଏଁନାହିଁ ମୀନ
ବଗ ଛୁଏଁନାହିଁ ମୀନ
1 min
359
ଧରମ କାର୍ତ୍ତିକ ମାସର
ଏଇ ଶେଷ ପାଞ୍ଚ ଦିନ
ସଭିଏଁ ପାଳନ୍ତି ପଞ୍ଚକ
ବଗ ଛୁଏଁନାହିଁ ମୀନ
ଶେଜ ଛାଡି ବଡି ସକାଳୁ
ନଦୀ ଜଳେ ବୁଡ ଦେଇ
ଦେଉଳେ ଯାଆନ୍ତି ସରବେ
ଫୁଲ ଧୂପ ଦୀପ ନେଇ
ଆମିଷ ଆହାର ପାଇଁକି
ମନ କରନ୍ତିନି କେହି
ପୁଣ୍ୟ ଅରଜନ୍ତି ସକଳେ
ଦୀନଜନେ ଦାନ ଦେଇ
ରଙ୍ଗ ବିରଙ୍ଗର ମୁରୁଜ
ମାଆମାନେ ସାଥେ ନେଇ
ଚଉରାରେ ବସି ପକାନ୍ତି
ଶରଧାରେ ମନ ଦେଇ
ପୁନେଇଁ ସକାଳେ ନଈରେ
ଡଙ୍ଗା ଭସେଇବା ପାଇଁ
ଏକାଠି ହୁଅନ୍ତି କୂଳରେ
ଡକାଡକି ହୋଇ ଯାଇ
କଦଳୀ ପାଟୁକା ଡଙ୍ଗାରେ
ପାନ ଗୁଆ ନେଇ ଯାଇ
ଭସେଇ ଦିଅନ୍ତି ନଈରେ
ଆ କା ମା ବୈ ଗାଇ
ରାଇ ଦାମୋଦର ପୂଜନ୍ତି
ହବିଷ୍ୟାଳି ମେଳ ହୋଇ
ବାଲିରେ ତିଆରି ବାଲୁଙ୍କା
ତୁଳସୀ ମୂଳରେ ଥୋଇ
ପଞ୍ଚକର ଦିନଗୁଡିକ
ସୁଖରେ ଶାନ୍ତିରେ ଯାଏ
ଧରମ କରମ ପାଇଁକି
ମନଟି ଆମରି ଥାଏ
