ଲାଇବ୍ରେରୀ
ପ୍ରୋଫାଇଲ୍
ବୈଶାଖ
ବୈଶାଖ
1 min
308
ଆସିଲାଣି ଖରା
ତାତିଲାଣି ଧରା
ଅଣଚାଷ ବେଗେ ବହେ
ଝାଞ୍ଜି ପବନର ଧାରା ll
ଝାଳ ବହେ ଗମ୍ ଗମ୍
ହାଲିଆ ହେଲାଣି ଦମ୍
ଜିଭ କାଢ଼ିଦେଇ ଧକେଇ ହୁଏ
କାଳିଆ କୁକୁର ଟମ୍ ll
ଆସିଅଛି ବଇଶାଖ
ନିଆଁ ବରଷୁଛି ଦେଖ
ନଈ ନାଳ ଶୁଖି ସବୁ
ଦିଶେ ବାଲୁକାର ମୁଖ ll
ପାଣି ବିନା ତରୁ ଲତା
ହେଲେଣି ସୂତା ସଳିତା
ଚାରିଆଡେ ଶୁଭେ ଖାଲି
ତୃଷାର୍ତ୍ତର ଆତୁରତା ll
ଜୀବ ଜନ୍ତୁ ପଶୁ ପକ୍ଷୀ
ତୃଷାରେ ଗଲେଣି ଶୁଖି
ଖୁସିରେ ଉଠନ୍ତି ନାଚି
ମେଘ ଭରା ଆକାଶକୁ ଦେଖି ll
ପ୍ରଚଣ୍ଡ ଖରାର ତାତି
ଦଗ୍ଧ କରେ ଧରଣୀର ଛାତି
ଚାରିଆଡେ ଅସ୍ତବ୍ୟସ୍ତ
ଜୀବନ ଯାତ୍ରାର ଗତି ll
ଘୋର ଗିରିଷମ କାଳ
ମହୀ ହେବ ସୁଶୀତଳ
ଚାତକେ ଅଛନ୍ତି ଚାହିଁ
ବରଷିଲେ ବରଷାର ଜଳ ll
