ମୋ ଓଡ଼ିଶା ( ଭାଗ-୧୬)

ଧନ ନୁହେଁ ମନ ଆମ ବଡ

ଆମର ସ°ଘତି ସ୍ନେହ ଶ୍ରଦ୍ଧା ସମ୍ପ୍ରିତି

ସାରାଜଗତରେ ଆଣେ ଜାଗରଣଟି ।

ଭାଇଚାରା ସଦ୍ଭାବନା ଭାବ ବନ୍ଧନ

ପ୍ରଗତି ରଥରେ ସେତ ଭରେ ଇନ୍ଧନ ।

ହାତରେ ମିଶାଇ ହାତ ଗାଉ ଗୀତରେ

 ହଜିଯିବା ଆସ ଏକତାର ଶ୍ରୋତରେ ।

ଗୀର୍ଜାଘର ଗୁରୁଦ୍ବାର ମସ୍ଜିଦ ମନ୍ଦିର

ସବୁ ପୀଠ ଆମକୁ ଲାଗଇ ସୁନ୍ଦର।

ଧନ ନୁହେଁ ମନ ଆମ ପାଇଁ ବଡରେ

କର୍ମକୁ ସଲାମ କରୁ ଧରମର ଗଡରେ ।

ଫୋନି ଫାଇଲିନି ଚାପ କେତେ ରୂପରେ

ଏକ ହୋଇ ଟାଳୁ ପ୍ରକୃତିର କୋପରେ ।

ଆମ ଭାଷା ଆମପାଇଁ ଗର୍ବ ଗୌରବ

ଭାଷା ପାଇଁ ମନେ ଲାଗେ ନିତି ପରବ।

ଯିଏ ବା ଯେଉଁଠି ଆମେ ସବୁ ରହୁରେ

ମମତାର ରଙ୍ଗ ବୋଳେ ଭାଷା ମନରେ ।

ରଖିବା ପାଇଁକି ମାଟି ମାଆ ଟେକରେ

ଜାଗ୍ରତ ସଦା ଆମେ ସମୟ ଶ୍ରୋତରେ ।

ଆମ ନାଥ ଜଗନ୍ନାଥ ସଦା ଭରଷା

ଓଡିଶା ଓଡିଶା ମାଆ ମୋର ଓଡିଶା ।