ବୃଦ୍ଧାବସ୍ଥା

ଅନିୟନ୍ତ୍ରିତ ଅବଦମିତ ଚିନ୍ତା ଓ ଚେତନା

ଅସମ୍ଭବ ଅଲୌକିକତାର କଳ୍ପନା ଜଳ୍ପନା ।

ଅସ୍ତରଙ୍ଗ ସୂର୍ଯ୍ୟ ସମ ଲାଲ ଲେଲିହାନ କ୍ଳେଶ 

କର୍ମର ଜ୍ୱାଳା ରେ ଦଗ୍ଧୀଭୂତ ହନ୍ତ ସନ୍ତ ପ୍ରାଣ ।

ଅପ୍ରତ୍ୟାଶିତ ଦୁଃଖ ଦୈନ୍ୟତାର କର୍ମ ଭୂମି

ଅଭିନୟ ଛଳେ ରଙ୍ଗ ମାଖୁଥାଏ ଦିନ ଗଣି ।

ତୂଣୀର ଭରା କର୍ତ୍ତବ୍ୟର ମହା ଅମୋଘ ଅସ୍ତ୍ର 

ଅନ୍ଯର ଅଧିକାର ରେ କର୍ତ୍ତବ୍ୟ ର ବଳିଦାନ ।

ଅମାନୁଷିକ ଅତ୍ଯାଚାର ସବୁ କିଛି ଆପଣାର

ଅତୃପ୍ତ ଆଶା ଓ ଆକାଂକ୍ଷାର ବିଶାଳ ପାହାଡ ।

ପ୍ରଣୟର ଆବେଗରେ କେବେ କେବେ ଅଭିପ୍ସିତ

ପ୍ରଣୟର ଜ୍ବାଳାରେ ବେଳେ ବେଳେ ମର୍ମାହତ ।

ବାର୍ଦ୍ଧକ୍ଯର ତାଡ଼ନାରେ ମର ଶରୀରଟା ଜର୍ଜରିତ 

ମୃତ୍ଯୁର କରାଳ ଭୟରେ ଅମର ଆତ୍ମା ବିଚଳିତ ।

ଆଜି ମୁଁ ଭୟଭୀତ ମୋ ବଡ ହେବାରେ ଯେତିକି

ଭୟଭୀତ ମୁଁ ମୋ ବାର୍ଦ୍ଧକ୍ଯକୁ ଆଖି ଆଗରେ ଦେଖି।