ବାର୍ଦ୍ଧକ୍ୟ ମୋ ଇଚ୍ଛାର ଅଧୀନ

ବୁଢାହେବା ଆମ ଇଚ୍ଛାର ଅଧୀନ-ଚାହିଲେ ହୋଇବା ବୁଢା,

ହାଡ଼ ମାଂସ ମେଦ ରକ୍ତରେ ଆମର ଶରୀର ହୋଇଛି ଗଢା ।

ବୟସ ବଢିଲେ ଶରୀର ପାକଳ ହେଇଯାଏ ବଳେବଳେ,

ଅନୁଭବ ଆଉ ଅଭିଜ୍ଞାତା କେତେ ଥାଏ ଆମପାଦ ତଳେ ।

ମନକଥା ମାନି ଅଂଗ କାମକରେ ଥାଉ ବା ନ ଥାଉ ବଳ,

ମନବଳ ଥିଲେ ଶରୀର ଚାଲିବ ଇଚ୍ଛା ସଙ୍ଗେ ଦେଇତାଳ ।

ଦେହ ସିନା କେବେ ବୁଢା ହେଇପାରେ ମନ ବୁଢା ହୁଏନାହିଁ,

ନିଜର ମନକୁ ବୁଢାକଲେ ନିଜ ଶରୀର ରହିବ ଚାହିଁ ।

ବାଳ ପାଚିଯାଉ ଦାନ୍ତ ପଡ଼ିଯାଉ ମନବଳ ରହିଥାଉ,

ଶିଶୁ ସଙ୍ଗେ ମିଶି ଖେଳୁଥିବା ହସି ରୋଗ ଦୂରେ ଚାଲିଯାଉ ।

ହାରିବାନି ଆମେ ରଖିଥିବା ମନେ ସମୟ ବଦଳୁ ଥାଏ ,

ପରିବର୍ତ୍ତନକୁ ଆଦରି ଆନନ୍ଦେ ରହିବା ମରଣ ଯାଏ ।