ବାର୍ଦ୍ଧକ୍ୟ ଭତ୍ତା
ବାର୍ଦ୍ଧକ୍ୟ ଭତ୍ତା
ଆଉ କେତୋଟି ନିଃଶ୍ୱାସ ଅଛି ବାକି,
ରାତିର ଅନ୍ଧକାର ବଢ଼ିଚାଲିଛି
ଜୀବନର ଦୋଛକିରେ,
ଅପେକ୍ଷାରେ ବସିଛି
ପାଇବାକୁ ମୋ ବାର୍ଦ୍ଧକ୍ୟ ଭତ୍ତା।
ପେଜୁଆ ଆଖିରେ ପୁରୁଣା ସ୍ମୃତି,
ଲୁହ ପାଖରେ ବି ଅମାପ ଶକ୍ତି
ଏରୁଣ୍ଡି ବନ୍ଧ ନ ଡେଇଁ ରହିପାରେ
ଅତୀତକୁ ଖୋଜେ ଏକାନ୍ତରେ
ଓ ଖୋଜେ ନିଜର ସତ୍ତା।
ଜରାଶ୍ରମରେ ନିଃସଙ୍ଗ ବେଳାରେ,
ଇଚ୍ଛା ହୁଏ ଫିଙ୍ଗି ଦିଅନ୍ତି ସବୁ
ଅସୁମାରୀ ଆଶା,
ଜରାଜୀର୍ଣ୍ଣ କାମନା ଓ ଜିଜ୍ଞାସା
ଈଶ୍ଵରଙ୍କ ଠାରେ ଆସ୍ଥା।
ଏ ଅନ୍ତରଙ୍ଗ ଦୁଃଖ ସଂପୂର୍ଣ୍ଣ ନିଜସ୍ଵ,
ପୁରୁଣା ଜିନିଷ ଫିଙ୍ଗା ହେଲାପରି
ମୂଲ୍ୟହୀନ, ମାଁର ବକ୍ଷର ରକତ
ନିର୍ବାସନରେ ଆଜି ମାତୃତ୍ଵ ,
ଖୋଜେ ପରିବାରର ସାନିଧ୍ୟ
ସ୍ନେହବୋଳା କଥା,
ପରିଜନ ମଧ୍ୟେ ଶ୍ରଦ୍ଧା,ସନ୍ତାନ ଠାରୁ
ବାତ୍ସଲ୍ୟ ମମତା,
ଏଇତ ମାଗୁଛି,
ମୋ ବାର୍ଦ୍ଧକ୍ୟ ଭତ୍ତା।