ବାପୁହେ ତୁମେ ଚାଲିଗଲାପରେ
ବାପୁହେ ତୁମେ ଚାଲିଗଲାପରେ
ବାପୁଜୀ ହେ ତୁମେ ଅହିଂସା ବଳରେ
ଆମକୁ ସ୍ୱାଧୀନ ଦେଲ,
ବହୁ ଝଡ଼ ଝଞ୍ଜା ସହିଛ ନୀରବେ
ପ୍ରତିହିଂସା ଛାଡ଼ିଥିଲ ।
ତୁମ ଋଣ କେବେ ଶୁଝି ପାରିବନି
ଭାରତର ଜନଗଣେ,
ତୁମ ଯଶ ଗାଇ ବଞ୍ଚିବେ ବିରହେ
ତୁମେ ସଦା ପଡ଼ ମନେ ।
ତୁମରି ହସରେ କେତେ ଅlତ୍ମୀୟତା
ପରକୁ ଆପଣା କରେ,
ଦେଶ ପାଇଁ ତୁମେ ଯେଉଁ ତ୍ୟାଗ କଲ
ଆଉ କିଏ କରିପାରେ ।
ଆସୁଛି ତୁମର ଜୟନ୍ତୀ ଉତ୍ସବ
ଅନେଇ ରହିଛି ଦେଶ,
ତୁମରି ଅଭୁଲା ସ୍ମୃତିକୁ ଝୁରି ସେ
ଭରିବ କେତେ ସାହସ ।
ତୁମେ ଗଲାପରେ ଦେଶର ସମସ୍ୟା
ଜଟିଳୁ ଜଟିଳତର,
ଭାରତରେ ଆଉ ନାହିଁ ତ ପ୍ରଶାନ୍ତି
ସବୁ କ୍ଷେତ୍ରେ ମତାନ୍ତର ।
ଯେତେ ରାଜନୀତି ଚାଲିଛି ଦେଶରେ
ସବୁ ସ୍ୱାର୍ଥ ବିଜଡିତ,
ପୁଞ୍ଜିବାଦ ଆଜି ଶୋଷଣରେ ମାତେ
ଲାଗେ ସତେ ପରାଜିତ ।
ସରଗରେ ଥାଇ ଦେଖ ଥରେ ବାପୁ
ସ୍ୱାଧୀନତା ପରିଣତି,
ପରାଧୀନତାର ଯନ୍ତ୍ରଣା ଏବେବି
ସହୁଛି ଭାରତ ଛାତି ।
ଆଉଥରେ ତୁମେ ଫେରି ଆସ ବାପୁ
ସ୍ୱତନ୍ତ୍ର ହେଉ ଏ ଦେଶ,
ନୂଆ ଜାଗରଣ ପ୍ରତିଟି ମନରେ
ଭରି ହେଉ ସମାହିତ ।