ବାପା-ମାଆ ଅଜା-ଆଈ
ବାପା-ମାଆ ଅଜା-ଆଈ
ପୁଅହେଉ କିବା ଝିଅହେଉ ସିଏ ବାପା-ମାଆଙ୍କର ସନ୍ତାନ,
ଅଜା-ଆଈ ଜେଜେ ଜେଜୀଙ୍କର ପାଇଁ ସନ୍ତାନ ନୁହେଁ ସେ ଜୀବନ ।
ବାପା-ମାଆଙ୍କର ଆକଟରେ ସିନା ଗଢା ହୋଇଥାଏ ଭବିଷ୍ୟ,
ବୁଢା-ବୁଢୀମାନେ ନାତି ନାତୁଣୀଙ୍କୁ ଦେଇଥା'ନ୍ତି ନିଜ ଆୟୁଷ ।
ବାପା-ମାଆ ବୁଦ୍ଧି ବିବେକ ବଳରେ ଶିଶୁ ହୋଇଥାଏ ଶିକ୍ଷିତ,
ବୁଢା-ବୁଢୀଙ୍କର ଅନୁଭୂତି ବଳେ ସ୍ଵଧର୍ମରେ ହୁଏ ଦୀକ୍ଷିତ ।
ବାପା-ମାଆ ପାଶେ ଛୁଆଙ୍କ ଜିଗର ବୁଢା-ବୁଢୀ ପାଶେ ଅର୍ଦ୍ଦଳୀ,
ବାପା-ମାଆ ତାଙ୍କୁ ମାଡ଼ଦେବେ ସିନା ବୁଢା-ବୁଢୀ ଦେବେ ସାଉଁଳି ।
ଭଲଚିଜ ଟିକେ ଘରକୁ ଆସିଲେ ସଭିଏଁ ମିଶିକି ଖାଆନ୍ତି,
ବୁଢା-ବୁଢୀ ନିଜଭାଗରୁ ଟିକିଏ ନାତି-ନାତୁଣୀଙ୍କୁ ଦିଅନ୍ତି ।
ବାପା-ମାଆ ଗାଳି ଦାଣ୍ଡଧୂଳି ସିନା ଆଈ ଗାଳି ଉଡ଼ା ପବନ,
ବାପା-ମାଆ କଥା କଡ଼ା ଲାଗିପାରେ ଜେଜୀ-ଆଈ କଥା ଚନ୍ଦନ ।
#ସିଧାକଥା