Library
ବାଲିଯାତ୍ରା
ବାଲିଯାତ୍ରା
କଳିଙ୍ଗ ଦେଶର ସାଧବ ବଣିକ
କରୁଥିଲେ ବ୍ୟବସାୟ
ଦରିଆ ପାରିରେ ବୋଇତେ ଯାଇଛି
ନ ଥିଲା ମନରେ ଭୟ ।
ଆଣୁଥିଲେ କେତେ ମୋତି ଓ ମାଣିକ
ବୋଇତେ ତାହାକୁ ଧରି
କଳିଙ୍ଗ ଦେଶର କାରୁକାର୍ଯ୍ୟ ସବୁ
ଦେଇଛି ବୋଇତ ଭରି ।
ଆଷାଢ଼ କାର୍ତ୍ତିକ ଓ ମାଘ ବୈଶାଖ
ମାସ ଆ କା ମା ବୈ ଚାରି
କଳିଙ୍ଗ ସାଗରେ ବୋହିଛି ବୋଇତ
ଥିଲା ଆଶା ଅସୁମାରୀ ।
ବାଲି ଆଉ ଜାଭା ବର୍ଣ୍ଣିଓ ସୁମାତ୍ରା
ଶ୍ରୀଲଙ୍କା ଓ କାମ୍ବୋଡ଼ିଆ
ତଟ ଦେଶ ପୁଣି ତା ସହିତ ଅଛି
ଥାଇଲାଣ୍ଡ ମାଲେସିଆ ।
ନଡ଼ିଆ ଚାଉଳ ମାଟି ବରତନ
ସଙ୍ଗେ ଗଜଦନ୍ତ ଧରି
ଚନ୍ଦନ କସ୍ତୁରୀ ସଙ୍ଗରେ ନେଇଛି
ବାଲିଯାତ୍ରା ସିଏ କରି ।
ଉତ୍ତର ପୂରବ ମୌସୁମୀ ପବନେ
ଛାଡ଼ିଛି କଳିଙ୍ଗ ଦେଶ
ଦକ୍ଷିଣ ପଶ୍ଚିମ ମୌସୁମୀ ଫେରିଲେ
ଆସଇ ହୋଇ ଉଲ୍ଲାସ ।
କର୍ପୁର ଉଡ଼ିଛି କନା ପଡ଼ିଅଛି
ସ୍ମୃତି କରୁଛି ଗର୍ଜନ
ଅତୀତ ସ୍ମୃତିକୁ ବଜାଇ ରଖିଛି
ବାଲି ଯାତ୍ରାରେ ସେ ଚି଼ହ୍ନ ।
ହଜାର ବର୍ଷର ଅତୀତ କାହାଣୀ
ପାଳୁଛି ଆଜି ଓଡ଼ିଆ
ଜୟ ଗାନ ଆଜି ତାଙ୍କରି କରୁଛି
ସାଧବ ଥିଲେ ବଢିଆ ।
ମହାନଦୀ ଘାଟ ଗଡ଼ ଗଡିଆରେ
ଭସାଇ କାଗଜ ଡ଼ଙ୍ଗା
କାର୍ତ୍ତିକ ପୂର୍ଣ୍ଣିମେ ଦିଏ ଶ୍ରଦ୍ଧାଞ୍ଜଳୀ
ବାଲିଯାତ୍ରା ରଙ୍ଗାଚଙ୍ଗା ।
ଧନ୍ୟ ଆମ ଦେଶ ପ୍ରାଚୀନ ନାବିକ
ବାଲି ଦେଶେ କରି ଯାତ୍ରା
ମହାନଦୀ ପିଠେ ଚାଲୁଛି ବାଣିଜ
ଧରି ନାମ ବାଲିଯାତ୍ରା ।
