ବାଦଲ ଭରା ଆକାଶ

ବାଦଲ ଭରା ଆକାଶ କୁ ଚାହିଁ ଦେଲେ

ଲାଗେ ଯେମିତି ଏଇ କିଛି ମୁହୂର୍ତ୍ତରେ 

ବାଦଲ ଫଟା ବର୍ଷା ବର୍ଷିଯିବ ମନ ଅଗଣାରେ 

ଜୀବନର ଗତିପଥ ପରିବର୍ତ୍ତନ କରି

ରଚିଯିବ ନବ ପଲ୍ଲବ ର ତରୁ ଛାୟା ତଳେ

ନବ ନବ କଳିକା ଏଇ ମନ ଗହନର 

ସୁଦୂର ପ୍ରସାରୀ ସବୁଜ ବନାନିରେ

ହେଲେ ବାଦଲ ଆଜି ଭାରାକ୍ରାନ୍ତ ପରି 

ହୋଇଯାଇଛି ନିସ୍ତବ୍ଧ ସ୍ଥିର ଶାନ୍ତ 

ସମୟ ର ସୂତା ଖିଅରେ 

ବାଦଲ ଭରା ଆକାଶ କୁ ଦେଖି

ନାଚୁ ନାହିଁ ଶିଖିଚୁଳି

ବଦଳି ଯାଇଛି ଆଜି ସମୟ

ନିୟତି ର ନିୟମରେ

ବାଦଲ ଆସ୍ତରଣ ର ଖରା ଛାଇ ର ଆଲୋକ

ଆଜି ମଳିନ ବସ୍ତ୍ର ପରିଧାନ କରି 

ଅଟକି ଯାଇଛି ଅଜଣା ସ୍ଥାନ ରେ

ମନେ ଭରି ବିଷାଦର ଛାୟା

ଏକ ଅଜଣା ଅତିଥି ଭାବରେ

ମୃଦୁ ମୃଦୁ ପବନର ସ୍ଵର ରେ।