ଅଯୋଗ୍ୟ ପାରେନା ଜିତି
ଅଯୋଗ୍ୟ ପାରେନା ଜିତି
ପଥିକ ଜାଣେନା ପଥଗଢ଼ା କଷ୍ଟ ପାଇଛି କେତେ ଶ୍ରମିକ,
ପାଠକ ଜାଣେନା ଲେଖିବା ଯାତନା କେତେ ପାଇଛି ଲେଖକ ।
ଖାଦକ ଜାଣେନା ଜୀବର ଜୀବନେ ଘଟିଛି କେତେ ଘଟଣା,
ଶିକାରୀ ଜାଣେନା ଶିକାର ହୃଦୟ ଆହତ ହେବା ଯନ୍ତ୍ରଣା ।
ମାଲିକ ଜାଣେନା ଚାକର ବିଚରା ଅଭାବ ଅଶାନ୍ତି କଥା,
କଟୁରୀ ଜାଣେନା ଗଛର ମୂଳକୁ କଟା ଯାଉଥିବା ବ୍ୟଥା ।
ଅହିଂସା ଜାଣେନା ହିଂସା ବିଭୀଷିକା କ୍ରୋଧ ଜାଣେନାହିଁ ହସ,
ମିଛୁଆ ଜାଣେନା ସତ୍ୟର ସୁଆଦ ଅମୃତ ତା' ପାଇଁ ବିଷ ।
ଅଜ୍ଞାନ ଜାଣେନା ନିଜ ଭବିଷ୍ୟତ ମୂର୍ଖ ଜାଣେନାହିଁ ନୀତି,
ଅଧମ ଜାଣେନା ସଂସାରର ସୁଖ ଅଯୋଗ୍ୟ ପାରେନା ଜିତି ।