ଅତି ବର୍ଷା ବିପତ୍ତିର କାରଣ

ପ୍ରବଳ ବରଷା କରଇ ଅଥୟ

  ଭୟଭୀତ ନର ପଶୁ ପକ୍ଷୀ ବନ 

ବନ୍ଯା ବାତ୍ଯା କରିଥାନ୍ତି ତାଣ୍ଡବ 

 କେଉଁଥିରେ କା'ର ନଲାଗେ ମନ ।

ବରଷୁଛି ବର୍ଷା ଅବାରିତ ଧାରେ 

  ଜଳମୟ ଧରା ଅସ୍ତବ୍ୟସ୍ତ ଲାଗେ

ଅତି ବର୍ଷା ବିପତ୍ତି କାରଣ ଅଟେ 

  ରକ୍ଷାକର ପ୍ରଭୁ ଅଥଳ ସାଗରେ ।

ଗାଡ଼ିଆ ପୋଖରୀ ନଦ ନଦୀ 

   କୂଳ ଲଂଘିଲାଣି ଭରା ପାଣିରେ 

ବେଙ୍ଗ ବେଙ୍ଗୁଲିଙ୍କ ଆର୍ତ୍ତନାଦ 

 ସର୍ପ ଉଗାଳିଛି ପଥ ପାଣି ଧାରେ ।

ଜଳ ବହୁଳେ ସୃଷ୍ଟି ନାଶ ପୁଣି

     ଜଳ ବିହୁନେ ସୃଷ୍ଟି ନାଶ

ପ୍ରକୃତିକୁ କଲେ ନାରଖାର

     ସବୁକିଛି ହୁଅଇ ବିଧ୍ବଂସ ।

ଜଳ ବିନା ପ୍ରାଣୀ ପ୍ରାଣ ଛୁଟେ 

   ଅତି ଜଳେ ପ୍ରାଣୀ ଶ୍ବାସରୁଦ୍ଧେ 

ଜଳ, ବାୟୁ, ତାପେ ଜୀବ ଜନ୍ମେ 

   ସର୍ବ କ୍ଷେତ୍ରେ ଅତି ନାଶ କରେ ।

ବହୁଳ ଜଳେ ଅତ୍ଯନ୍ତ କ୍ଷତି

    ବିଲୁପ୍ତ ହୁଏ ବିଶ୍ବର ସ୍ଥିତି

ପ୍ରାଣ ବିକଳେ ସମସ୍ତେ ବ୍ଯସ୍ତ

   ପ୍ରଳୟ ଜଳୁ ହରି ବଞ୍ଚାନ୍ତି ।

ବହୁଳ ଜଳରୁ ସୃଷ୍ଟି ଧରା

  ଜଳ ହିଁ ପ୍ରାଣ, ତା ବିନା ମୃତ୍ୟୁ

ବୃକ୍ଷ ଲତା ତରୁ ତୃଣ ମାନ

   ଜଳ ବିନା ହୁଅଇ ହନ୍ତସନ୍ତ ।

ବହୁଳ ଜଳ ବିନାଶ ଜାଣ

  ସେହି ଜଳୁ ଜନ୍ମିଲେ ଜଳଜ

ସନ୍ତୁଳନ ବିଗିଡିଲେ ପୁଣ

  ବିନା ଦ୍ବନ୍ଦେ ପୃଥି ହୁଏ ଧ୍ବଂସ ।

ଅସରା ଅସରା ଶ୍ରାବଣର ଧାରା

   ମହୀ ନବ ଖଣ୍ଡ ବିପତ୍ତିରେ ଭରା 

ଜଳାର୍ଣ୍ଣବେ ଜୀବ ଡାକେ ଜନାର୍ଦ୍ଦନ 

    ପୃଥୀ ରକ୍ଷାକର ଦେଇ ଆସରା ।