ଅସୁରକ୍ଷିତ ପରୀ

କୋଉ ପଞ୍ଜୁରୀରେ ରଖି ହେବ ପରୀକୁ ସୁରକ୍ଷିତ

      ଚାରିଦିଗ ତ ଆଜି ଆତଙ୍କରେ ଭରା

ରାତିକୁ ଜଗିବା ନା ଭାବେ ଦିନକୁ

  ମୁଖାପିନ୍ଧା ମଣିଷଠୁ ଭୟାନକ କିଏ ଅଛି ଦୁନିଆ ସାରା ,

ପରୀର ହଜାରେ ନିରୀହ ପ୍ରଶ୍ନକୁ

       ମୋର ଉତ୍ତର ନିଅଣ୍ଟ ପଡୁଛି ,

ଆଜି କାଲି ମୁଁ ବି ତାକୁ

     ଭୁଲାଇ ଗେହ୍ଲେଇ ଗୁଡ଼ାଏ ଡାହା ମିଛ କହୁଛି .......

ଘୋଡାଇ ରଖୁଛି ତାକୁ 

       ମିଥ୍ୟା ଆଭିଜାତ୍ୟର ଗପ କହି

Advertisement

>

           ସୁରକ୍ଷାର ବହୁରୂପୀ କଟକଣା ମଧ୍ୟରେ,

କହୁଛି ତୁ ଏକା କେମିତି ଯିବୁଲୋ ମା

     ମୁଁ ବି କଲେଜ ଟିଉସନ ଯିବି ତୋରି ସାଥିରେ ....

ଘର କୋଣରେ ବଢିଲା ଝିଅ

     ଆଣେ ସବୁବେଳେ ମା' ବାପା ମନରେ ଭୟ ,

ଦିନର ଆଲୁଅରେ ବି ଯେଉଁଠି ଅସୁରକ୍ଷିତ ପରୀ

   ଜଣା ନାହିଁ କିଏ ଦେବ କେବେ ତାକୁ ,

              ସ୍ବାଛନ୍ଦ୍ଯରେ ବୁଲିବାର ଅଭୟ .....।