Library
Profile
ଅଶାନ୍ତ ବେଳାଭୂଇଁ
ଅଶାନ୍ତ ବେଳାଭୂଇଁ
ମୁଗ୍ଧ ଭାବନା ସ୍ନିଗ୍ଧ ଚେତନା
ରିକ୍ତ ମନର ବ୍ୟଥା
ଆକୁଳ ପ୍ରାଣ ସୁପ୍ତ ନୟନ
ବିଷାଦଭରା ଗାଥା
ମଧୁର ପ୍ରେମ କଦମ୍ବ ମୂଳ
ଜଳଇ ଦାବାନଳେ
ଅବ୍ୟକ୍ତ ଭାଷା ତୃଷିତ ଆତ୍ମା
ତପ୍ତ ହୃଦୟ ତଳେ
ବନ୍ଦୀ ମୁଁ ଆଜି ମୋ କୋଳାହଳେ
ଲିଭେ ଜୀବନ ରଙ୍ଗ
ମୂର୍ଚ୍ଛିତ ମାଟି ରୁଦ୍ଧ ଆବେଗ
କ୍ଷତବିକ୍ଷତ ଅଙ୍ଗ
ଜୀବନ ପର୍ବ ଗୌରବ ଫର୍ଦ
ମ୍ଳାନ ଧୂସର ଚିହ୍ନ
ଲୁଣ୍ଠିତ ମୋର ଆଦ୍ୟ ବସନ୍ତ
ଲୁଣ୍ଠିତ ଯଉବନ
ସାଗର ବକ୍ଷ ନୀଳ ତରଙ୍ଗ
ସବୁତ ଦିଗହରା
ପୂର୍ଣ୍ଣମୀ ଜହ୍ନ କଣ୍ଟକ ପୂର୍ଣ୍ଣ
ସଦା ଯନ୍ତ୍ରଣା ଭରା
<
/p>
କ୍ଳାନ୍ତ ଶରୀର ଅବଶ ପାଦ
ଚିନ୍ତା ମୋ ଜରାଜୀର୍ଣ୍ଣ
ନିଥର ରାତି ଅଶାନ୍ତ ଗୀତି
ଅଳସ କୁଂଜବନ
ଆଦ୍ୟ ଆଷାଢ କଅଁଳ କଢ
ଭିଜେନି ପ୍ରାଣସତ୍ତା
ଭିଜାମାଟିର ସୁଗନ୍ଧ ବାସ୍ନା
ଦିଏନି ମାଦକତା
ପୂର୍ଣ୍ଣ ବିଶ୍ବାସ ସ୍ବର୍ଣ୍ଣ ଆଭାସ
ଦୃଶ୍ୟରୁ ଦୃଶ୍ୟାନ୍ତର
ପଂଜୁରିବଦ୍ଧ ବିହଙ୍ଗ ପକ୍ଷ
ଖୋଜେ ମୁକ୍ତିର ଦ୍ବାର
ଲବଙ୍ଗଦ୍ବୀପ ରାଜକୁମାର
ନୟନ ଅଶ୍ରୁସିକ୍ତ
କାଦମ୍ବିନୀର ମଧୁରଛନ୍ଦେ
ଖୋଜେ ଜୀବନ ଗୀତ
ବେଳାଭୂଇଁର ବାଲୁକା ରାଶି
ଅଶାନ୍ତ ଉଦବେଳିତ
ତଥାପି ଦେଖେ ପାଦର ଚିହ୍ନ
ଆଲୋକେ ଉଦ୍ଭାସିତ
