Library
Profile
ପୁଣ୍ୟ ଅଶେଷ,କାର୍ତ୍ତିକ ମାସ
ପୁଣ୍ୟ ଅଶେଷ,କାର୍ତ୍ତିକ ମାସ
ପୁଣ୍ୟ ଅଶେଷ କାର୍ତ୍ତିକ ମାସ
ଆହା କି ମଧୁର ଅନ୍ନ ହବିଷ
ଚଉରା ମୂଳରେ ସାଜ ସରସ
ମନରେ ଭରିଛି ଭକତି ରସ ।
କାର୍ତ୍ତିକ ମାସ ପୁଣ୍ୟ ଅଶେଷ
ପ୍ରତିଟି ପ୍ରହରେ ପୁଣ୍ୟ ସନ୍ଦେଶ
ରାଇ ଦାମୋଦର ବେଶ ସୁବେଶ
ମନ ଅଗଣା ରେ ପୁଣ୍ୟର ବାସ ।
କାର୍ତ୍ତିକ ମାସ ପୁଣ୍ୟ ଅଶେଷ
ମଠ ଓ ମନ୍ଦିରେ ଭିଡ଼ ଅଶେଷ
ପିତୃ ପୁରୁଷ ଙ୍କ ଶ୍ରଦ୍ଧା ବିଶେଷ
ଶ୍ରାଦ୍ଧ ଦେଇ ମନେ ଭରେ ସନ୍ତୋଷ ।
ଶୁଦ୍ଧ ପୁତ ଭାବେ ମନ ଉନ୍ମେଷ
ସୂର୍ଯ୍ୟଦ୍ବୟ ପୂର୍ବୁ ସ୍ନାନ ବିଶେଷ
ଶଙ୍ଖ ଘଣ୍ଟି ଶଦ୍ଦେ ସୁପରିବେଶ
ପବିତ୍ର ଭାବନା ମନେ ଅଶେଷ ।
କାର୍ତ୍ତିକ ମାସ ପୁଣ୍ୟ ଅଶେଷ
ପ୍ରଭୁ ନାମ ଜପ ପୂଜା ବିଶେଷ
ନୀତି ନିୟମରେ ଜୀବନ ବଶ
କଳିଆ ପାଖରେ ନୀତି ଅଶେଷ ।
କାର୍ତ୍ତିକ ମାସ ପୁଣ୍ୟ ଅଶେଷ
ଚଉରା ମୂଳରେ ସୁନ୍ଦର ଦୃଶ୍ୟ
ପଞ୍ଚୁମୁରୁଜ ତ ଦିଅଇ ତୋଷ
ମନୁ କାଢ଼ିଦିଏ ଯେତେକ ଦୋଷ ।
ବଉ ଓଷା ପୁଣି ହରଙ୍କ ପୂଜା
ସୂଚ଼ୀ ନିଷ୍ଠତାରେ ମାସଟି ସଜା
ସାଧବ ବାଣିଜ୍ୟ ଦିଏ ବାରତା
ଏହି ମାସଟି ଯେ ବରଷ ଜିତା ।
ବ୍ରତରେ ବ୍ରତରେ ଏକତା କଥା
ପୁରାଣ ଶୁଣାରେ ଶାସ୍ତ୍ର ବାରତା
କାର୍ତ୍ତିକ ମାସଟି ଶୁଭ ସଳିତା
ମନରେ ଜଗାଏ ସେ ପବିତ୍ରତା ।
