ଅର୍ଜୁନ
ଅର୍ଜୁନ
ମହଭାରତର କାହାଣୀରେ ଅଛି
ଅନେକ ଚରିତ୍ର ଗାଥା,
ଶୁଣିଲେ ଲାଗଇ ଭାରି ରୋଚକ ଯେ
କୃଷ୍ଣ ଅର୍ଜୁନଙ୍କ କଥା ।
ପଣ୍ଡୁ ରାଜାଙ୍କର ପାଞ୍ଚ ପୁୁତ୍ର ଜାଣ
ତୃତୀୟ ପୁତ୍ର ଅର୍ଜୁୁନ,
ମହାଭାରତର ବଳିଷ୍ଠ ଚରିିତ୍ର
ଅଟନ୍ତି କୁୁନ୍ତି ନନ୍ଦନ ।
ଧନୁୁର୍ବିଦ୍ୟାରେ ସେ ସିଦ୍ଧହସ୍ତ ଥିଲେ
ତାଙ୍କ ସରି କିଏ ହେବ,
ଗାଣ୍ଡିବଧାରୀ ଯେ ନାମ ତାହାଙ୍କ
ପାଣ୍ଡବଙ୍କ ସେ ଗୌରବ ।
ସର୍ବଶ୍ରେଷ୍ଠ ଧନୁର୍ଦ୍ଧର ହେବା ପାଇଁ
ମନେ ପାଞ୍ଚିିଥିିଲେ ସିଏ,
ଚାହୁଁ ନ ଥଲେ ସେ ତାଙ୍କରି ସହିତ
ସମକକ୍ଷ ହେଉ କିିଏ ।
ଶ୍ରୀକୃଷ୍ଣଙ୍କ ଶ୍ରେଷ୍ଠ ସଖା ଭାବେ ସିଏ
ତିନି ପୁରରେ ବିିଖ୍ୟାତ,
ସାରଥୀ କୃଷ୍ଣଙ୍କ ବିଶ୍ୱରୂପ ଦେଖି
ହେଲେ ସେ ବିଶ୍ୱ ବନ୍ଦିିିତ ।
ଶ୍ରୀକୃଷ୍ଣଙ୍କ ଚରଣରେ ସେ ନିଜକୁ
ସମର୍ପଣ କରିଥିଲେ,
ଜୀବନର ଶ୍ରେଷ୍ଠ ଦିବ୍ୟଜ୍ଞାନ ସିଏ
ତାଙ୍କ ଠାରୁ ପାଇଥିଲେ ।
ମହାଭାରତର ମହାଯୁଦ୍ଧେ ସିଏ
କର୍ତବ୍ୟ ନିଭାଇଥିଲେ,
ନିଜ ଜ୍ଞାତି କୁୁଟୁମ୍ବକୁ ଭୁଲି ଯୁଦ୍ଧେ
ଅବତୀର୍ଣ୍ଣ ହୋଇଥିଲେ ।
ପର ଆପଣାକୁୁ ଭୁୁଲି ରଣାଙ୍ଗନେ
ଶତୃ ହତ କରିଥିଲେ,
ନିଜ କରତବ୍ୟନିଷ୍ଠତାର ସିଏ
ପରିିିଚୟ ଦେଇ ଥିଲେ ।
କୌରବଙ୍କ ରଥୀ ମହାରଥୀଙ୍କୁ ସେ
ଦୃଢ ହସ୍ତେ ଦମିିିଥିଲେ,
ମହାରଥୀ ଭିିଷ୍ମ ପିତାମହଙ୍କୁ ବି
ଶର ଶଯ୍ୟା କରିଥିଲେ ।