ପରିବେଶକୁ ଆମେ ସଜାଡିବା

ଗ୍ରହ ଏକ ଏହି ସୌର ମଣ୍ଡଳର  

ନାମଟି ଅଟେ ପୃଥିବୀ ତାହାର ।

ଜଡ଼ରୁ ଜୀବ ଜଗତର ଭିଆଣ 

ସାଜିଛି ଆମର ସାହା ଆଜୀବନ ।

ଗଛଲତା ସଞ୍ଚାରି ପ୍ରାଣୀଙ୍କୁ ପାଳେ

ପୃଥ୍ଵୀକୁ ମଣିଷ ଜନ୍ମଦାତ୍ରୀ ବୋଲେ ।

ପାଣି, ପବନ, ଫଳ ଫୁଲ ଯୋଗାଏ

ଉଡିଗଲେ ପ୍ରାଣ କୋଳେ ସ୍ଥାନ ଦିଏ ।

ଆମେ କରୁ କର୍ଷଣ ଖନନ କର୍ତ୍ତନ ହନନ 

ସବୁ ସହି ଅକୁଣ୍ଠିତ ଚିତ୍ତେ ବଞ୍ଚାଏ ଜୀବନ ।

ଜାତି ଜାତି ଜୀବରେ ସବୁଜିମା ଭରେ 

ସେ ସୌନ୍ଦର୍ଯ୍ୟରେ ମନ କଟେ ହସରେ ।

ଥିବା ସବୁଜିମା ସବୁ କରିଅଛେ ଶେଷ 

ଦେଖୁଛେ ଏବେ ଖାଲି ଧ୍ବଂସ ଅବଶେଷ ।

ସାମ୍ପ୍ରତିକ ସମୟେ ଆସ ଉଦ୍ୟମ କରିବା 

ପ୍ରୟାସ କରି ପରିବେଶକୁ ଆମେ ସଜାଡିବା