😊😊ଅପୂର୍ବ ପ୍ରେମ କାହାଣୀ😢😢

କଲେଜରେ ଦୁହେଁ ପଢୁଥିଲେ ପାଠ

ପ୍ରେମ କରୁ ଥିଲେ ଦୁହେଁ,

ନିଃସ୍ୱାର୍ଥ ପ୍ରେମରେ ଯୋଡି ହୋଇ ଗଲେ

ବିଭା କରି ଥିଲେ ଦୁହେଁ।୧।

ଧନ ସମ୍ପତ୍ତିରେ ପୁରି ଗଲା ଘର

ଦୁଇ ପୁତ୍ର ଗଟେ ଝିଅ,

ବିଭା କରି ସର୍ବେ ସଂସାର କଲେଣି

ଶାଶୁ ଘର ଗଲା ଝିଅ।୨।

ନାତି ନାତୁଣୀରେ ପୁରି ଅଛି ଘର

ଅପୂର୍ବ ଖୁସି ସଂସାର,

ବୁଢା ନ ଦେଖିଲେ ବୁଢ଼ୀକୁ ତାହାର

ରାବୁ ଥାଏ ନିରନ୍ତର।୩।

ବଳଭଦ୍ର ନାମ ବୁଢାର ଅଟେଟି

ବୁଢୀର ନାମଟି ଶାନ୍ତି,

ତିଳେ ନ ଦେଖିଲେ ଏକ ଆରେକକୁ

ନ ରୁହେଟି ମନେ ଶାନ୍ତି।୪।

ଶାନ୍ତି ଶାନ୍ତି ରାବେ ଘର ଗୁଞ୍ଜି ଉଠେ

ଏହା କି ପରିଟି ପ୍ରିତି,

ସ୍ୱାମୀ ସ୍ୱାମୀ ଡାକେ ଅସ୍ଥିର ଏ ଘର

ପବିତ୍ର ତାଙ୍କରି ପ୍ରୀତି।୫।

ଅଜା-ଆଇ ପ୍ରେମ ଦେଖିଣ ନାତୁଣୀ

ରାଗିରାଗି କହୁଥାଏ,

ବୁଢା ହେଲ ଅଜା ବୁଢ଼ୀ ହେଲା ଆଇ

ପ୍ରେମଟି କିପରି ହୁଏ।୬।

ହସି ଦେଇ ଆଇ ନାତୁଣୀକୁ କୁହେ

ଅତି ଅମୂଲ୍ୟ ଏ ପ୍ରେମ,

ପ୍ରେମରେ ପଡିଣ ଅଜାକୁ ଦେଖୁଛି

ଅଟନ୍ତି ସେ ସ୍ୱର୍ଗ ଧାମ।୭।

କଲେଜରେ ଦୁହେଁ ପଢୁଥିଲେ ପାଠ

ପ୍ରେମ କରୁଥିଲେ ଦୁହେଁ,

ନିଃସ୍ୱାର୍ଥ ପ୍ରେମରେ ଯୋଡି ହୋଇ ଗଲେ

ବିଭା କରିଥିଲେ ଦୁହେଁ।୮।