ଅପାଶୋରା ସ୍ମୃତି

କହିଥିଲ ଆଣିଦେବ

             ମୋ" ପାଇଁ ଫଗୁଣ

ହେଇଦେଖ ଆସିଲାଣି

              ଧାରା ଶିରାବଣ ।

ଭାବିଥିଲି ହଜିଯିବି

            ଫୁଲର ସହରେ

ଏବେ କିନ୍ତୁ ଭାସୁଛି ମୁଁ"

              ଲୁହର ନଈରେ ।

ଯଉବନ ଜଉ ଘରେ

             ଲାଗିଯାଏ ନିଆଁ

ଆଜି କାହିଁ ମନେପଡେ

             ସେ ପହିଲି ଛୁଆଁ ।

ତୁମବିନା ଦିନ ସବୁ

            କାଟିବି କେମିତି

ଦିନ ସରିଗଲେ ପୁଣି

            ଲାଗେ ବଡ଼ ଭୀତି ।

ସ୍ୱପ୍ନ ସବୁ ଭାଙ୍ଗିଯାଏ

            ରାତି ଗଲେପାହି

କାମନାର ତାତି କିନ୍ତୁ

            ଦେହ ଦିଏ ଦହି ।

ଆସ କି ନ'ଆସ ତୁମେ

             ଆଉ ଏ ଜୀବନେ

ଅପାଶୋରା ସ୍ମୃତି କିନ୍ତୁ

              ରହିଯିବ ମନେ ।