ଅନୁତାପ

♦️♦️ ଅନୁତାପ ♦️

ଅନୁତାପ ନୁହେଁ କ୍ଷଣିକ ମନନ, ଅଳିକ ଜୀବନ ଧାରା 

ଅନ୍ତର ମନରେ ପରିବର୍ତ୍ତନର ନିୟମିତ ଦିବ୍ୟ ଧାରା !

ଅନ୍ତର ମନର ଅପରାଧୀ ଟିକୁ ଅନ୍ତରରୁ କରି ଦୂର 

ଆତମ ଶୁଦ୍ଧିରେ ବ୍ରତୀ ହୋଇଥାଏ ଦୃଢ ମନ ନେଇ ନର !

ଅଧିକ ଆଶାର ଲାଳସାରେ ବୁଡି କରମରୁ ବେଶୀ ଲୋଡି

ମଣିଷର ମନ ବାଟ ଭୁଲି, ଯାଏ ମନ୍ଦ କରମରେ ଜଡ଼ି !

ଅତିଶୟ ଭଉତିକ ସୁଖ ପାଇଁ ପାପ ଧନ ଠୁଳ କରେ 

ବିଷୟରସରେ ଅନ୍ଧ ହୋଇ ନର ବିବେକର ପଥ ହୁଡେ !

 

ଅନୁତପ୍ତ ମନ ନ ଲୋଡ଼ିଲା ଯାଏଁ ବିଛେଦର ଅଂଗୀକାର 

ପାପ-ପ୍ରଣୟର ଶୁଭ ପରିଣୟ ହୋଇଥାଏ ପରସ୍ପର ! 

ଅଲୋଡ଼ା ସୁଖରେ ଅରୁଚି ବଢ଼େଇ କୁସଂଗର ସାଙ୍ଗ ଏଡି 

ଲଜ୍ଜିତ ଘୃଣିତ ଅନୁତପ୍ତ ମନ ସତସଙ୍ଗ ଥାଏ ଲୋଡି !

 

ଅନୁତାପ ଭାବ ପ୍ରାଣୀ ହୃଦୟରେ ଏକା ହୋଇ ରହେ ନାହିଁ 

ଈଶ୍ବର ବିଶ୍ୱାସ, ବିବେକର ବାସ ସାଥେ ରହେ ଚିର ହୋଇ !