Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Madhusmita Prusty

Inspirational

4  

Madhusmita Prusty

Inspirational

ଅନନ୍ୟ ଗୋଲାପ

ଅନନ୍ୟ ଗୋଲାପ

1 min
238



କହଲୋ ଗୋଲାପ କିଏ ସେ ଭରିଲା

କଣ୍ଟା ଗାଲିଚା ତୋ ଦେହେ,

ସୁନ୍ଦରତା ତୋର ଚତୁର୍ଦିଗେ ଖେଳେ

ବାସ ତୋର ମନ ମୋହେ ।


ସହିବା କ୍ଷମତା ଦେଇଥାଉ ଶିକ୍ଷା

ଧର୍ଯ୍ୟର ଓଢ଼ଣୀ ଟାଣି,

ଦୁଃଖରେ କାତର ନହେବା ପାଇଁକି

ସାହସ ତୁ ଦେଉ ପୁଣି ।


ତୋ ପରସ ପାଇଁ ସହିବାକୁ ହୁଏ

କଣ୍ଟାର ଆଘାତ ସିନା,

ବିନା ଦୁଃଖ,କଷ୍ଟ ସହି କେ ପାଇଛି

ସୁଖ,ଶାନ୍ତି ଆସ୍ଵାଦନା ।


ସତ୍ୟର ପଥରେ କଣ୍ଟା ପରିପୂର୍ଣ୍ଣ

ଠିକ ତୋର ଦେହ ପରି,

ସାଉଁଟି ପାରିଲେ ଆଘାତ ସବୁକୁ

ସଂସାରରୁ ଯାଏ ତରି ।


ଭଳିଭଳି ରଙ୍ଗ ମାଖି ଅଛୁ ଦେହେ

ଶାନ୍ତି,ମୈତ୍ରୀ,ପ୍ରୀତି ପାଇଁ,

ସବୁ ରଙ୍ଗ ଦିଏ ବାର୍ତ୍ତା ଭିନ୍ନ ଭିନ୍ନ

ସ୍ନେହ ସଦ୍ଭାବନା ବହି ।


କେତେ ଉପକାର କରୁଛୁଲୋ ତୁହି

ଧନ୍ୟ ତୋର ଅବଦାନ,

ପ୍ରଭୁ ପାଦତଳେ ଲାଗିହେଲେ ଥରେ

ଜୀବନ ତୋ ହେବ ଧନ୍ୟ ।



Rate this content
Log in