Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

Prasanna Kumar Madala

Classics

3  

Prasanna Kumar Madala

Classics

ଅଣସର

ଅଣସର

2 mins
12K



ଲୋକାଚାର ବିଧି ଏହି ଜଗତେ ଦର୍ଶାଇ

ସୁନା କୂଅ ଜଳ ନିଜ ମଥାନେ ବର୍ଷାଇ ,

ମନ୍ତ୍ରସ୍ନାନେ ଦାରୁବ୍ରହ୍ମ ହେଲେ କି ପ୍ରସନ୍ନ 

ସ୍ନାନ ପୂର୍ଣ୍ଣିମାରେ ଦେଲେ ଭକତେ ଦର୍ଶନ ।


ସଙ୍ଗେ ହୋଇଥିଲେ ବିଜେ ଅଗ୍ରଜ ବଳିଆ

ଭଗ୍ନୀ ଭଦ୍ରା ସୁଦର୍ଶନ ପ୍ରହରୀ ଭଳିଆ ,

ଇନ୍ଦ୍ରଦେବ ଛେରା ପାଣି କରିଲେ ବର୍ଷଣ

ସ୍ନାନ ମଣ୍ଡପରେ ଆସି ଦେଲେ ତ ଦର୍ଶନ ।


ଦେଖ କୋଟି ନରନାରୀ ଭକ୍ତଭାବରସ 

ପ୍ରଭୁ ଦରଶନ ଆଶେ ଅତୀବ ହରଷ ,

ସ୍ନାନବେଦୀ ନିକଟରେ ଏକଠାବେ ଉଭା  

ପଣ୍ଡା ପରିହାରୀ ସହ ସେବାକାରୀ ଯୁବା ।


ପାଟସୂତ୍ରେ ଠାକୁରଙ୍କୁ କରାଇ ବନ୍ଧନ 

ଯଶଗାନ ସାଥେ ମିଶି କରିଲେ ବନ୍ଦନ ,

ବାନ୍ଧିଥିଲେ ଯଶୋମତୀ ଦ୍ବାପରରେ ଦିନେ

ଆଜି ଦେଖ ବନ୍ଧାହେଲେ ପ୍ରତିବାଦ ବିନେ । 


ଏତେ ବଡ ଦେବତା ସେ ଶାନ୍ତଶୀଳ ପରି

ନିଶ୍ଚଳ ରହିଲେ ସ୍ନେହେ ଆଶୀର୍ବାଦ କରି ,

ଗନ୍ଧ ଚନ୍ଦନର ଲେପ ବୋଳାଇ ଶରୀରେ

ଗ୍ରୀଷ୍ମତାପ ନିବାରିଲେ ସୁଶୀତଳ ନୀରେ ।


ପ୍ରଥମରେ ଗଜବେଶ କଲେ ଯା' ଧାରଣ 

ସର୍ବ କାର୍ଯ୍ୟ ଆରମ୍ଭରେ କୁଶଳ କାରଣ ,

ଅର୍ଚ୍ଚନାରେ ବ୍ୟସ୍ତ ବିପ୍ର ଭଟ୍ଟ ଗଜପତି 

ବିହ୍ବଳେ ମଉନ ଦେଖ କମଳାଙ୍କ ପତି ।


ଆଦ୍ୟେ ଗଣନାଥ ରୂପ କରନ୍ତେ ଧାରଣ 

ଦର୍ଶନ ମାତ୍ରକେ ହେବ ପତିତ ତାରଣ ,

ଅତ୍ୟନ୍ତ ଦୁର୍ଲଭ ବେଶ ହୋଇ ଆମ ପାଇଁ 

ମାନବୀୟ ଲୀଳା କଲେ ଜଗତର ସାଇଁ । 


ଭକ୍ତ ମନବାଞ୍ଛା ଜାଣି ସଙ୍ଗତେ ସୋଦର 

ଘେନି ଉପସ୍ଥିତ ଆଜି ହରି ଦାମୋଦର ,

ଏତେ ବିଧି ସତ୍ତ୍ୱେ ସଦା ରହିବେ ପ୍ରସନ୍ନ 

ଅଣସର ବାସେ ନୋହି ତିଳେ ଅବସନ୍ନ ।


ଜ୍ଵର ଭୋଗ ହେବ ବୋଲି ପନ୍ଦର ଦିବସ 

ଦର୍ଶନ ଅଭାବେ ଲୋକେ ରହିବେ ବିବଶ ,

ପରିଶେଷେ ଜଡିବୁଟି ସେବନ କି କରି

ବ୍ୟାଧିମୁକ୍ତ ହେବେ ସ୍ବୟଂ ଔଷଧୀଶ ହରି ।


ଫୁଲୁରୀ ତଇଳ ଆଦି ମାର୍ଜନାର ପରେ

ଆୟୁର୍ବେଦେ ଛାଡିଯିବ ଅଙ୍ଗପ୍ରାସ ଖରେ ,

ନବଯଉବନ ବେଳ ଆସିଗଲେ ଫେରି 

ମଥାରେ ଶୋହିବ ପୁଣି ତୁଳସୀର କେରି ।


ଆଗ ଭଳି ଜନ୍ମବେଦୀ ଦରଶନ ଅର୍ଥେ 

ଯାତ ଆରମ୍ଭିବେ ବସି ନନ୍ଦିଘୋଷ ରଥେ ,

ଲାଗି ଯିବ ବଡ଼ଦାଣ୍ଡେ ଲୋକଙ୍କ ଗହଳି 

ବାଦ୍ୟ ତାନ ସଙ୍ଗେ ସତେ ପଡ଼ିବ ଚହଳି ।


ଅଦୃଷ୍ଟର ପ୍ରଭାବରେ ଭୟଭୀତ ଲୋକେ

ବାହୁଥିବେ ତିନିରଥ ପୁରୀବାସୀ ଥୋକେ ,

ମହାମାରୀ ଭୂତାଣୁର ଆତଙ୍କ ଏ' ନାଶି

ସଙ୍କଟରୁ ରକ୍ଷା କର ଆହେ ବ୍ରହ୍ମରାଶି ।


ଆଷାଢ ଶୁକ୍ଳର ସେହି ଦ୍ଵିତୀୟା ତିଥିରେ

ଉଛୁଳି ଉଠିବ ପୁରୀ ବିଶେଷ ରୀତିରେ ,

କାଳିଆ ଠାକୁର ପାଶେ ଆମ୍ଭର ଭଣତି

ପଦ୍ମପାଦ ତଳେ ବାଢ଼ି କୋଟିଏ ପ୍ରଣତି ।


Rate this content
Log in

Similar oriya poem from Classics