ଅଣଲେଉଟା

ବହିଯିବା ପାଣି ତଳକୁ ତଳକୁ

ଉଠେ ନାହିଁ ଉପରକୁ

ଦେଖିଛ କି କେବେ ବହୁଥିବା ଶ୍ରୋତ

ଛୁଅଁଇ ପର୍ବତ ବକ୍ଷକୁ ।

କହିଦେଲା କଥା ଫେରେ ନାହିଁ କେବେ

ଆଉ ଓଠ ଫାଙ୍କ ଦେଇ

ଭାବି ଚିନ୍ତି ଯଦି କଥାଟି କହିବ

କେବେ ପଶ୍ଚାତାପ ହେବ ନାହିଁ ।

ହଜିଲା ସମୟ ଫେରେ ନାହିଁ କେବେ

ଯେତେ ବି ଖୋଜିଲେ ତାକୁ

କଟୁ କଥା କହି କଷ୍ଟ ଦିଅ ନାହିଁ

ଆଉ କାହା ହୃଦୟକୁ ।

ଦୁନିଆରେ ବଡ ଦୁଇଟି ଜିନିଷ

ସତ୍ୟ ଆଉ ସନ ମାନ

ଅହଂକାର ନେଇ ହୃଦୟରେ ତୁମ

କା'ର କର ନାହିଁ ଅପମାନ ।

ଜୀବନରେ ସତ୍ୟ ତିନୋଟି ସମୟ

ବାଲ୍ୟ , କିଶୋର , ଯ୍ଯୌବନ

ନିୟମକୁ ମାନି ଚଳିଲେ ବନ୍ଧୁ ହେ

ମିଳିବ ବହୁ ସମ୍ମାନ ।