ଅନ୍ ଲାଇନ୍ ଆସର

କରୋନା ଆସିଲା ଲକ୍ ଡ଼ାଉନ ହେଲା

ସର୍ବେ ଗୃହ ବନ୍ଦୀ ହେଲେ

ସେହି ସମୟ ର ସଦ୍ ଉପଯୋଗ 

ସାହିତ୍ୟିକ ମାନେ କଲେ ।

ସାହିତ୍ୟ ର କଲେ ପ୍ରଚାର ପ୍ରସାର 

ଅଗ୍ରଣୀ ଗଣ ମାଧ୍ୟମେ

ହ୍ୱାଟ୍ସ୍ଆପ ୟୁଟିୟୁଵ୍ ଇଷ୍ଟଗ୍ରାମ୍

ଫେସବୁକ ଟେଲିଗ୍ରାମେ ।

ଛୋଟ ଠାରୁ ବଡ ବଡ ସାରସ୍ବତ 

ସାଧକ ସାଧିକା ଯେତେ

ଉତ୍ସାହିତ ହୋନ୍ତି ଭାଷା ସାହିତ୍ୟ କୁ 

ଆଗେଇ ନେବାକୁ ହାତେ ।

ଅନ୍ ଲାଇନ୍ ରେ ଚାଲିଲା ଆସର

ସମସ୍ତେ ହେଲେ ଏକାଠି

ଗୁଗୁଲ୍ ମିଟ୍ ଜୁମ୍ ଆପ୍ ରେ ହେଲେ

ଗୃହେ ବସି ଭେଟା ଭେଟି  ।

କାର୍ଯ୍ୟ ବ୍ୟସ୍ତ ବ୍ୟକ୍ତି ଗୃହିଣୀ ଟିଏ ବି 

ଅଂଶ ଗ୍ରହଣ କରିଲା 

ସାହିତ୍ୟ ବିକାଶେ ଅଗ୍ରସର ହେଲା

ଯିଏ ଯେଉଁ ସ୍ଥାନେ ଥିଲା ।

ଏକପଦି ପୁଣି କବିତା ପ୍ରବନ୍ଧ 

ଅନେକ ପ୍ରତିଯୋଗିତା

ମାନପତ୍ର ପାଇ ସମ୍ମାନିତ ହୋଇ

ଗର୍ବିତ ହୁଏ ବିଜେତା ।

ବଣ ମଲ୍ଲୀ ବାସ ବଣ ରେ ନରହି 

ଚଉଦିଗେ ମହକିଲା

ଘରକୋଣ ଠାରୁ ରାଜ୍ୟ ଦେଶ ଯାଏ 

ସାହିତ୍ୟ ଯେ ପ୍ରକଟିଲା ।

ଜ୍ଞାନୀ ଗୁଣି ବ୍ୟକ୍ତି ସମାଜ ଆଦର୍ଶ 

ଏକ ମଞ୍ଚାସୀନ ହେଲେ

ଉଦ୍ ବୋଧନ ଦେଲେ କବିତା ପଢିଲେ

ଶ୍ରୋତା ମନ୍ତ୍ରମୁଗ୍ଧ ହେଲେ ।

ସାମାଜିକ ଦୂରୀକରଣ ନିୟମ 

ହୋଇ ପାରିଲା ପାଳନ

ଅନ୍ ଲାଇନ୍ ରେ ଆସର ହୋଇଲା

ବଢ଼ିଲା ସାହିତ୍ୟ ମାନ ।

ଆଗେଇ ଆସ ହେ ମୋ ଭାଇ ଭଉଣୀ

ସାହିତ୍ୟ ର ହେଉ ଜୟ

ଧନ୍ୟବାଦ ଦେବା ଗଣ ମାଧ୍ୟମ କୁ 

ଗାଇ ବିଜ୍ଞାନ ର ଜୟ ।