ଅମର
ଅମର
ଜନମ ହୋଇଲେ ମରଣ ନିଶ୍ଚିତ
ଅଛି କି ଏଥି ସଂଶୟ ?
ଅଷ୍ଟ ଚିରଞ୍ଜିବୀ ସଂସାରେ ଅମର
ନାହିଁ ଏଥିରେ ସନ୍ଦେହ ।
ଅଶ୍ଵତ୍ଥାମା ବଳି ବ୍ୟାସ ହନୁମାନ
ବିଭୀଷଣ କୃପାଚାର୍ଯ୍ୟ ।
ପରଶୁରାମ ମାର୍କଣ୍ଡେୟ ଏ ଅଷ୍ଟ
ଅମର , ନୁହଁ ଆଶ୍ଚର୍ଯ୍ଯ ।
ସନକ ସନନ୍ଦ ସନାତନ ତଥା
ସନତକୁମାର ଚାରି ।
ଅମର ବୋଲାନ୍ତି ସଂସାରେ ଭ୍ରମନ୍ତି
ଉଲଗ୍ନ ଏ ବ୍ରହ୍ମଚାରୀ ।
ଅମୃତ ପାନରେ ଦେବତା ଅମର
ଏକଥା ନ ଜାଣେ କିଏ ?
ଅମୃତ ପାନରେ ରାହୁ କେତୁ ପରା
ଅମର ହୋଇଲେ ଛାଏଁ ।
କୀରତି ଯାହାର ରହିଛି ମହୀରେ
ଅମର ବୋଲାଏ ସିଏ ।
ଧ୍ରୁବ ପ୍ରହଲ୍ଲାଦ ସପ୍ତର୍ଷି ଅମର
ପୁଣ୍ଯଶ୍ଳୋକ ନଳ ରାୟେ ।
ପ୍ରାଣବଳି ଦେଇ ଦେଶ ହିତ ଲାଗି
ଜବାନ ରହେ ଅମର ।
କବିର ଲେଖନୀ ଅମର ରହଇ
କବିତା ଚିର ଭାସ୍ୱର ।
ସନ୍ଥଜନଙ୍କର ବାଣୀ ବି ଅମର
ସବୁକାଳେ ପଡ଼େ ମନେ ।
ଗୀତା ଭାଗବତ ଅମର ସର୍ବଦା
ଏ କଥା ରଖିବ ମନେ। ।