ଅକୁହା କଥା

ମୁଁ ଜାଣେ ଫଗୁଣ ଆସେ

ଦେହେ ମନେ ତନ୍ମୟ କରି

କିଛିଦିନ ମଳୟରେ ଲୁଚି ଲୁଚି

ଓଠେ ଗୋଲାପର ରଙ୍ଗ ବୋଳି

ଆଖିରେ କାମନାର ରୋଷଣୀ ଜାଳି

ସେତେବେଳେ ଜଣକ ପ୍ରତି ଜଣକର ଦରଦ

କୁଆଡେ ବଦଳିଯାଏ ପ୍ରେମ ରୂପରେ

ମୁଁ ଜାଣେନା ପ୍ରେମର ସଂଜ୍ଞା

ଖାଲି ଯାହା କରୁଛି ମୁଁ ଅନୁଭବ

ମୋ ହୃତପିଣ୍ଡର ସ୍ପନ୍ଦନରେ ।

ମୁଁ ଜାଣେ ଏ ଦୁନିଆଁ 

କୁଆଡେ ଚାଲେ ପ୍ରେମରେ

ସବୁକଥା ଏଠି କୁହାଯାଏନା

କି ଶୁଣିବି ହୁଏନା

ଯାହା ସବୁ ଥାଏ ଏକାନ୍ତ ଗୋପନରେ 

ସେହି ଗୋପନରେ ଥାଏ ତ୍ ଜୀବନ

ସୁରକ୍ଷିତ ହୋଇ ଗେଣ୍ଡାର ଖୋଳପାରେ ।

ଆମ ସମ୍ପର୍କ ଏଠି 

ପାଣି ଆଉ ମାଛ ପରି

ତୁମ ବିନା ମୁଁ ମୋ ବିନା ତୁମେ

ବଞ୍ଚିବାଟା ଖାଲି ମିଛ ଆଉ ଛଳନା ଛଡା

କଣ ବା ହୋଇପାରେ ?