ସ୍ମୃତି

   

 ତୁମେ ପଚାରିଲ କେମିତି ଅଛି ମୁଁ

କହିଦେଲି ସିନା ଭଲ

 କେମିତି ବୁଝିବ ସ୍ମୃତିକୁ ସାଉଁଟି

  ହୁଏ କେତେ କଲବଲ 

 

ତୁମ ଠିକଣାରେ ଚିଠି ଲେଖି କେତେ

ଠିକଣା ଦେଇଛି ଚିରି

ତୁମ କଥା ଏବେ ଭାବିଲା ବେଳକୁ

ମନ ହୋଇଯାଏ ଭାରି

ତୁମେ ସିନା ତୁମ ସ୍ମୃତିରୁ ସହଜେ

ମୋ ନାଁ କୁ ପୋଛିଦେଲ ..

ଏତେ ଦିନପରେ ଦେଖା ହେଲା ଯେବେ

ଛଳଛଳ କଲ ଆଖି

ଭିତରେ ଭିତରେ କେମିତି ମୁଁ ଜଳେ

ତୁମେ ପାରିବନି ଦେଖି

ସବୁ ଦୋଷ ଦେଇ ସମୟକୁ ସାଥି

ପର କରି ଚାଲିଗଲ ....

 ପରବୋଲି ଜମା ଭାବି ମୁଁ ପାରୁନି

 ଆଜିବି ନିଜର ମୋର

 ସ୍ମୃତିରେ ସାଇତା ମନକୁ କେମିତି 

 କରିଦେବି ସାତପର

 କାଲି ପରି ପ୍ରିୟା ଆଜି ମୁଁ ତୁମକୁ

 ସେମିତି ପାଉଛି ଭଲ ..।