ଐକ୍ୟ ଆମର ଧର୍ମ
ଐକ୍ୟ ଆମର ଧର୍ମ
ବୈଷମ୍ୟରେ ସାମ୍ୟ, ଐକ୍ୟ ଆମର ଧର୍ମ
ସତ୍ୟ ଶାନ୍ତି ଦୟା କ୍ଷମା ଆମରି କାମ୍ୟ ।
ସବୁରି ସାଥିରେ ଆମେ ସବୁରି ହିତେ
ବିଶ୍ବ ଝୁମେ ଆଜି ଆମ ଅହି°ସା ଗୀତେ ।
ବନ୍ଧୁକ ନୁହେଁ ବନ୍ଧୁ ପଣରେ ଜଗତ
ଜିତି ଆମେ ବାହୁଛୁ ଶାନ୍ତି ର ବୋଇତ ।
ଯୁଦ୍ଧ ନୁହେଁ ବୁଦ୍ଧ ଆଉ ବାପୁଙ୍କ ବାଣୀ
ବଇରୀ ହୃଦୟ ଆମ ପାରିଛି ଜିଣି ।
ସବୁଓଠେ ଝଟକୁ ହସ, ସ୍ବପ୍ନ ଆମ
ବୈଷମ୍ୟରେ ସାମ୍ୟ, ଐକ୍ୟ ଆମର ଧର୍ମ ।
ଭୋଗନୁହେଁ ଯୋଗରେତ ବିଶ୍ୱାସ ଆମ
ଆମକୁ ସମାନ ଗୀତା କୋରାନ ମର୍ମ ।
ଏକ ସ°ବିଧାନ ଆମ ଏକ ନିଶାନ୍
ମାଟିତ ମହାନ ଆମ ପାଣି ମହାନ।
ଲାଲକିଲା ଠାରୁ ଲାଲଚଉକ ଯାଏ
ଉଛୁଳେ ତ୍ରିରଙ୍ଗା ଆଜି ମନକୁ ମୋହେ ।
ମନ୍ତ୍ର ଆମ ତନ୍ତ୍ର ଆମ ସ୍ବଦେଶ ପ୍ରେମ
ବୈଷମ୍ୟରେ ସାମ୍ୟ, ଐକ୍ୟ ଆମର ଧର୍ମ ।