Library
Profile
ଦେବ ଶିଳ୍ପୀ ବିଶ୍ଵକର୍ମା
ଦେବ ଶିଳ୍ପୀ ବିଶ୍ଵକର୍ମା
ତୁମେ ସୃଷ୍ଟି ତୁମେ ସ୍ରଷ୍ଟା ହେ ବିଶ୍ବକର୍ମା
ଅସୀମ ଅନନ୍ତ ପ୍ରଭୁ ତୁମ ମହିମା।୦!
କାଳିଆ କଳା ଦିଅଁ ଙ୍କୁ
ଗୁପତେ ଗଢିଲ ତାଙ୍କୁ
ଅସୀମର ଚାଉପାଶେ ଆଙ୍କି ଯେ ସୀମା ।
ଗଢିଲ ପ୍ରଭୁ କେମିତି
ଅପୂର୍ବ ରୂପ ଏମିତି
ସେ ରୂପ ଦେଖିଲେ ଆଖି ଫେରେନା ଜମା ।
ଏମିତି ସେତ ମୂରତୀ
ଝରୁଥାଏ ଦିବ୍ୟ ଜ୍ୟୋତି
ଅପସରିଯାଏ ଅମା ରାତି କାଳିମା ।
ନିଜକୁ ନିଜେ ଗଢିଲ
ଅଧା ଗଢି କାହିଁ ଗଲ
ରାଣୀ ଗୁଣ୍ଡିଚା ମିଛରେ ମାଗିଲେ କ୍ଷମା ।
ମହାଲକ୍ଷ୍ମୀ ଯେତେବେଳେ
ଶ୍ରୀମନ୍ଦିର ଛାଡି ଗଲେ
ତାଙ୍କ ଉଆସ ଗଢିଲ ଭରି ସୁଷମା ।
ବୈକୁଣ୍ଠ ସମାନ ଘର
ନଥିଲା ତୁଳନା ତାର
ଦାସୀଙ୍କ ମେଳରେ ଯହିଁ ରହିଲେ ମାଆ ।
କୃଷ୍ଣ ଙ୍କ ନିର୍ଦ୍ଦେଶ ପାଇ
ଗଢିଲ ପ୍ରାସାଦ ଯାଇ
ଧନ୍ୟ ହେଲେ ବାଲ୍ୟ ବନ୍ଧୁ ବିପ୍ର ସୁଦାମା ।
ନେଇ କେତେ ଅବତାର
ଗଢିଛ ସୃଷ୍ଟି ସୁନ୍ଦର
ବ୍ରହ୍ମାଣ୍ଡ ରେ ଯାର କାହିଁ ନାହିଁ ଉପମା ।
ଶିଳ୍ପ ବିଜ୍ଞାନ ପ୍ରଣେତା
ଆଦି ବିଜ୍ଞାନ ବିଧାତା
ତୁମ ସ୍ପର୍ଶେ ହସେ ସାରା ଭୂମି ରୁ ଭୂମା ।
ଗଜ ବାହନ ରେ ବସି
ଆଶିଷ ଯାଅ ବରଷି
ଶତ ପ୍ରଣିପାତ ପାଦେ ଘେନ ମଣିମା ।
