ଏଇତ ଜୀବନ

ଆଖି ସାମ୍ନାରେ

ନୂଆ ଫୁଟାଣିଆ 

ତାରା ମାନଙ୍କୁ ଦେଖି

ଅତୀତ ଖନ୍ତେଇ ହୁଏ ।

ଅନୁଭବ ହୁଏ 

ଜଳୁଥିବା ସ୍ୱପ୍ନର ସ୍ମୃତି

ଖାସ୍ ମୋ ପାଖରେ ବି

ସୂର୍ଯ୍ୟଟିଏ ଥାଆନ୍ତି କି 

ମୁଁ ବି ଚମକିବାର 

ସୁଯୋଗ ପାଆନ୍ତି !

ନା କେବେ ସୁଯୋଗ ଆସିବ

ନା ଅପେକ୍ଷା କରିବା ଠିକ୍ ହେବ,

ଯାହା କିଛି କରିବାର ଅଛି

ନିଜକୁ ହିଁ କରିବାକୁ ହେବ !

ଅନେକ ଅନୁପସ୍ଥିତିକୁ

ଉପସ୍ଥିତିରେ ବଦଳେଇବାକୁ ହେବ ।

ଏଇତ ଜୀବନ ଜିଇଁବାର ମଜା

ସଂଘର୍ଷର ବଳୟ ଭିତରେ

ବାରବାର୍ ଖସି ଯାଉଥିବା ସ୍ୱପ୍ନକୁ

କାବୁ କରିବାର ପ୍ରୟାସ,

ମହାପ୍ରଳୟର ମଝିଦରିଆରେ

ସଫଳତା ପାଇଁ ଇନ୍ଧନ ସଦୃଶ୍ୟ

ଯୋଗେଇପାରେ ସାହସ ।