ବର୍ତ୍ତମାନ ସମୟ

ଦୁଃଖର ଲହରୀ ଖେଳିଛି ଆଜି,

ସଭିଙ୍କ ମନ ଭିତରେ ,

ତୋଳିଛି ସେ ନୂଆ ପ୍ରାସାଦ,

ସଭିଙ୍କ ମନ ଅଗଣାରେ ।

ହାର ମାନିବା ନାହିଁ , କି ଝୁକିବା ନାହିଁ,

ଦୁଃଖର ଲହରୀ ପାର କରିବା ସଭିଏଁ,

ସମବେଦନାର ହାତ ଧରି ହୋଇ ।

ଜୀବନଟା ମୂଲ୍ୟହୀନ ହୋଇଯିବା ଆଗରୁ,

ଗଢ଼ି ନେବା ଚାଲ ଆମେ ନୂଆ ଦୁନିଆ,

ଭବିଷ୍ୟତର ସୁନେଲି ସପନେ, ନ ଭିଜେଇ ନିଜକୁ,

ବର୍ତ୍ତମାନର ପ୍ରେମ ନଦୀରେ ନୌକା ବାହିନେବା ।

କିଛି ନ କହି, କିଛି ନ ଶୁଣି ବି

ବହୁତ କିଛି ଆମେ ବୁଝି ପାରିଥାଉ ।

ଏହି ବୁଝାମଣାର ସେ ସଂପର୍କ,

ସର୍ବଦା ବିକାଶମୁଖୀ ହେଉଥାଉ ।