ଅଦୃଶ୍ୟ ପ୍ରେମିକା

ଦେଖିନି ତୁମକୁ ଏଯାଏଁ ମୋ ଆଖି 

ଅଦୃଶ୍ୟ ପ୍ରେମିକା ମୋର 

ସପନର ଆସି ଆଉଁସି ଦେଉଚ

ନିଦ୍ରା ଭାଜେ ବାରମ୍ବାର ।

କହୁଛି ଯେବେ ମୁଁ କାହା ଆଗେ ଯାଇ 

କୁହନ୍ତି ପାଗଳ ମୋତେ 

ଦେଖିବାକୁ ପ୍ରିୟା ତୁମରି ଚେହେରା 

ନିଇତି ଝୁରୁଛି କେତେ । 

ତୁମ ସ୍ପର୍ଶ ପାଇ ଅଧିର ଏ ମନ 

ପ୍ରତି କ୍ଷଣ ଜଳି ମରେ 

ସତରେ କେବେ ଆସିବ କହି ଯାଅ

ଅପେକ୍ଷାକୁ ମୁହିଁ ଡରେ । 

  

କାହିଁକି ଆସୁଛ ରାତ୍ରିର ଅନ୍ଧାରେ 

ଆସ ଥରେ ଦିବସରେ 

ଦେଖିବି ତୁମରି ରୂପ ମାଧୁରିକୁ 

ପ୍ରିତିଭରା ପୁଳକରେ । 

ଖୁସିର ସହରେ ଘରଟେ ତୋଳିବି 

ହେଉଥିବା ଆତଯାତ 

ସଜାଇ ରଖିବି ପ୍ରୀତିର ସାଗର

ସରଗର ପାରିଜାତ ।