ଅଧା ଗଢ଼ା
ଅଧା ଗଢ଼ା
ଅଧା ଗଢ଼ା ରୂପ ମନ୍ଦିରେ ଦେଖିଲି
ମନ ମୋ ମାନଇ ନାହିଁ.
ବିଶାଳ ସଂସାର ହାତେ ଗଢି ଅଛ
ନୀଳାଚଳେ ବସି ରହି
ତୁମେ ଭକତର ଭାବଗ୍ରାହୀ. l0l
ସୁଦୂର ଆକାଶେ ଚନ୍ଦ୍ରମାର ଜୋସ୍ନା
ବଉଦ ହୁଏ ଭଗାରୀ.
ପାପ ନେତ୍ରେ ମୋର ଅଧା ଦିଶୁଅଛୁ.
ପୁଣ୍ୟ ନେତ୍ରେ ପୂର୍ଣ୍ଣଧାରୀ.
ଆଖିରୁ ମୋହର ହରି ନିଅ ପାପ
ଦେଖିବା ପାଇଁକି ତୁମ ପୂର୍ଣ୍ଣ ରୂପ
ତୁମେ ଭକତିରେ ଅନୁଗ୍ରାହୀ. l1l
ଅଧା ଗୋଡ ହାତ କେମିତି କହିବି
କାଞ୍ଚି ବିଜୟ ପ୍ରମାଣ.
ଦାସିଆ ନଡ଼ିଆ ଭକ୍ତ ସାଲବେଗ
ବଡ ପ୍ରମାଣଟି ଜାଣ.
ସବୁତ ଦେଖୁଛ ସବୁତ କରୁଛ
ଅପଲକ ନେତ୍ରେ ଜଗତେ ଚାହିଁଛ
ନୁହଁ ତୁମେ ଅଧା ଦେହି. l2l