ଅଢେଇ ଦିନିଆଁ କୁଣିଆଁ

ଅଢେଇ ଦିନିଆଁ ଏଠି ମୁଁ କୁଣିଆଁ

     ଚଲାଏ ସଂସାର ନାଆ.

ଡୁବି ଯିବ କେବେ ସଦା ମନେ ଭାବେ

     ବାହେ ଧରି ତୁମ୍ଭ ନାଆଁ.

  ତୁମେ ଏକା ପ୍ରଭୁ ସାହା. l0l

ଲୋଭ, ହିଂସା, ମିଥ୍ୟା ଆହୁଲା ଧରିଲେ

     ନ ପାଇବି ଥଳକୂଳ.

ସତ୍ୟ, ଧର୍ମ, ନ୍ୟାୟ ଆହୁଲା ପାଥେୟ

     ହେବି ଏ ସଂସାରୁ ପାର.

ବାହୁରେ ମୋହରି ଶକ୍ତି ଦିଅ ଭରି

     ଲଭିବି ନୂଆ ଦୁନିଆଁ. l1l

ପଚିଶ  ପକୃତି  ପାଞ୍ଚମନ  ଏଠି

     ଆକର୍ଷେ ଅଧର୍ମ ବାଟ

ତୁମ ଦୟା ବଳେ ବିନାଶି ମୁଁ ହେଳେ

     ଚାଲୁଥିବି ତୁମ ପଥେ.

ମନେ ଭରି ଦିଅ ଅସୀମ ସାହାସ

     ବାହିବାକୁ ତୁମ୍ଭ ନାଆ. l2l