ଅଚିହ୍ନା ସେ
ଅଚିହ୍ନା ସେ
ହଁ..
ମୁଁ ଜାଣି ନ ଥିଲି..
କିଏ ସେ..କିଏ ପଠେଇଲା ?
କେଉଁଠୁ ସେ ଆସିଛି ?
କିଏ ତାକୁ ମୋ ପାଖକୁ ଆଣିଲା ?
ଆଉ କାହିଁକି ସେ ଆସିଛି ?
କିନ୍ତୁ..
ସେ ଆସିଗଲା..!
ମୋତେ ନ ଜଣେଇ !
ମୋ ଅନୁମତି ନ ନେଇ !
କେମିତି କେଜାଣି କିପରି !
ସେ ଚୁପଚାପ୍ ଆସିଗଲା…!!
ଆଉ..
ସେ ଆସିଯିବା ପରେ..
ମୁଁ ନିଜକୁ ଭଲ ପାଇଲି..!
ନିଜକୁ ପସନ୍ଦ କଲି
ଆଉ ସତରେ ନିଜ ପାଇଁ...
ନିଜେ ଟିକେ ବଞ୍ଚିବାକୁ ଚାହିଁଲି..!
ନା..
ସେ ଶୁଣିଲା ନାହିଁ..!
ଯେତେ ନେହୁରା ହେଲେ ବି !
କହିଲା ଆଉ ରହି ହେବନି...
ତୋତେ ଛାଡ଼ି ଯିବାକୁ ହେବ !
ଆଉ ସତରେ ସେ ଛାଡ଼ି ଚାଲିଗଲା..!
ତା ପରେ..
ମୁଁ ଶବ ହୋଇଗଲି..!
ତା ବିନା କଣ ମୁଁ ମୁଁ ନ ଥିଲି?
ନା ସେ ଆସିବା ପରେ ମୁଁ ମୁଁ ହେଲି?
ମୁଁ କଣ ତା ଆଗରୁ ମୁଁ ନ ଥିଲି..?
ନା ତା ଯୋଗୁଁ ହିଁ ମୁଁ ମୁଁ ଟିଏ ହେଲି..!?
କିନ୍ତୁ...
ଜାଣି ପାରିଲିନି…!
ଅଚିହ୍ନା ଅଜଣା ସେ..!
ଜୀବନଟା କେତେବେଳେ ଆସିଲା !!
ଆଉ ଚୁପ୍ କରି ଦିନେ !
ପ୍ରାଣ ହୋଇ ଶରୀରରୁ ବାହାରିଗଲା..!!