ଅଚିହ୍ନା ପ୍ରେମ

ସପନ ଆଖିରେ ଲୋତକର ବନ୍ୟା 

ରଙ୍ଗହୀନ ପ୍ରଜାପତି,

ଜାତନା ଜୁଇରେ ଜଳୁଛି ହୃଦୟ

ଝୁରୁଛି ଶ୍ରାବଣ ରାତି ।

ମନ ବସନ୍ତର ଚହଲା ବାଦଲ 

ଗାଉନି ପ୍ରୀତିର ଗୀତ,

ସୁଖନିଦ୍ରା ହୁଏ ଦଗ୍ଧ ପଙ୍କଜ

ଆଉ କି ଫେରିବ ମିତ ।

ସୁନାସୁନା ପ୍ରେମ ଚୁନା ଚଇତାଳି

ଅଦିନ ଝଡ଼ର ସ୍ଵର,

ଦୂର ଚଲାପଥ ଅନ୍ଧାର ଅନ୍ଧାର

ଘାଇଲା ସପନ ବୀର।

ବୁକୁଫୁଟା ଛାତି ଭିଜାଭିଜା ରାତି

ଜୀବନ କାଟୁଛି ଦିନ,

ବୁଝି ବି ଅବୁଝା ସବୁ ତ ଏଇଠି

ଜଳିଜଳି ଯାଏ ମନ ।

ଚନ୍ଦନ ମହକ ଚମ୍ପା କି ପାଇବ 

ସକଳ ଚୁମ୍ବନ ଦେଇ,

ମହମହ ବାସ ବୟସ ବାଙ୍କରେ

ଉତୁରା ହାଣ୍ଡିର ଖଇ।