Library
Profile
ଅବ୍ୟକ୍ତ କୋହ
ଅବ୍ୟକ୍ତ କୋହ
ଆଜି ଅକ୍ଟୋବର ଚବିଶ ତାରିଖ
ବିଶ୍ୱ କପ ଟ୍ୱେଣ୍ଟି ଟ୍ୱେଣ୍ଟି ମ୍ୟାଚ
ଭାରତ ସହିତ ପାକିସ୍ଥାନର ଏ
ଖେଳ ଅଟେ ବଡ଼ ଚିତାକର୍ଷ |
ପ୍ରଥମରେ ଟସ ଜିଣି ଭାରତର
ବିରାଟ ବାହିନୀ ଅଗ୍ରସର
ପ୍ରାରମ୍ଭରୁ ବ୍ୟାଟିଂର ବିପର୍ଯ୍ୟୟ
ଝଡ଼ିଲା ୱିକେଟ ବରାବର |
କ୍ୟାପଟେନ ପାଳି ଖେଳିଲେ କୋହିଲି
ସ୍କୋର ହେଲା ଶହେ ଏକାବନ
ସାତ ୱାଇକେଟ ବିନିମୟ ମାତ୍ର
ଭାରତବାସୀଙ୍କ ଦୁଃଖ ମନ |
ପାକିସ୍ତାନ ପାଳି ଆରମ୍ଭ ହୋଇଲା
ନିର୍ଧୁମ ପିଟିବା ଆରମ୍ଭିଲେ
ବିନା ୱାଇକେଟେ ଓପନିଙ୍ଗ ଯୋଡ଼ି
ଏକଶ'ତେପନ କରିନେଲେ |
ଭାରତୀୟଙ୍କର ମନ ଦୁଃଖ ହେଲା
ଆପଣା ଭାଗ୍ୟକୁ ନିନ୍ଦାକଲେ
କେତେ ଖାଇଲେନି ଉପାସେ ଶୋଇଲେ
କେତେ ଖେଳାଳିଙ୍କୁ ଗାଳି ଦେଲେ |
ଆମରି ଗାଆଁର ନିଧିଆ ପଧାନ
ଆଖିରୁ ଲୋତକ ବହୁଥିଲା
ଭିତରେ ଭିତରେ ଗାମୁଛା କାନିରେ
ଲୁଚି ଲୁଚି ଲୁହ ପୋଛୁଥିଲା |
ଦେଖି ତାର ଗତିବିଧି ମୁଁ ଭାବିଲି
କିଛି ଅଘଟଣ କରିବ କି
ଖେଳର କେବେ କି ସ୍ଥିରତା ରହିଛି
ହାର ଜିତ ସଦା ଲାଗିଅଛି |
ଘରେ ତାର ଯାଇ ବୁଝାବୁଝୀ କଲି
ତଥାପି ଅବ୍ୟକ୍ତ କୋହ ଭରେ
କାନ୍ଦି କହୁଥିଲା ଧୋନି ଥିଲେ ଭଲା
ଦୁର୍ଦ୍ଦଶା ନଥାନ୍ତା ଆମ ଦଳେ |
