ଅଭୁଲା ସେହି ମୂହୁର୍ତ୍ତ କିଛି
ଅଭୁଲା ସେହି ମୂହୁର୍ତ୍ତ କିଛି
ଅଭୁଲା ସେହି ମୂହୁର୍ତ୍ତ କିଛି
ରହିଛି ଉଜ୍ଜିବୀତ
ବାରକୁ ବାର ପଡଇ ମନେ
କରଇ ପୁଲକିତ ।
ଆଖି ପାଏନା ସବୁଜ କ୍ଷେତ
ପାଟ ମଝିରେ ଗାଆଁ
ନିବାସ ତୁମ ପ୍ରବେଶି ଥିଲି
ଶୁଣି ତୁମରି ନାଆଁ ।
ହୋଇଲି ଖୁସି ତୁମକୁ ଦେଖି
ପାଇ ଅତିଥି ଚର୍ଚ୍ଚା
ସଜ ହୋଇକି ଆସିଲ ତୁମେ
କରିଲ କଥାବାର୍ତ୍ତା ।
ଶୁଭିଲା କିଛି ଦିଶିଲା ନାହିଁ
ହସିଲା ତୁମ ମୁହଁ
ତେଜାଇ ଦେଲ ଲଣ୍ଠନ ଜାଳି
ଯାଚିଲ ଖିଲିପାନ ।
କହିଲ ଖୋଲି ଜାଣିଛ ତୁମେ
ଘରକରଣା କାମ
ମିଳିମିଶିକି ପାରିବ ଚଳି
ପାଳି ଗୃହିଣୀ ଧର୍ମ ।
ଭରସା ହେଲା କଥାରେ ତୁମ
ଧରିଲି ତୁମ ହାତ
ଜୀବନ ସାଥୀ ହୋଇଲ ତୁମେ
ପରାଣ ପ୍ରିୟା ମିତ ।
ଭୁଲି ହୁଏନି ସେଦିନ ସ୍ମୃତି
ମାନସୀ ସୁନୟନା
ରହୁ ସବୁଜ ଆମରି ପ୍ରେମ
ତୁମେ ମୋ ସୁଖସୀମା ।
ସହଧର୍ମିଣୀ ମୋ ପ୍ରିୟତମା
ତୁମେ ଗୋ ଅନୁପମା
ଚାଲିବା ଆମେ ଏକାଠି ହୋଇ
ହାତରେ ହାତ ଛନ୍ଦା ।।