ଅଭିଶପ୍ତା
ଅଭିଶପ୍ତା
1 min
6.9K
ଅଭିଶପ୍ତା ଏକ ଅହଲ୍ୟା ହେଇ ମୁଁ
ଝୁରେ ରାମ ପଦ ଧୁଳି..।
ବନ୍ଦିନୀ ଜନକ ନନ୍ଦିନୀ ହେଇ ମୁଁ
ଅଶୋକ ବନେ ରହିଲି..॥
ଅଗ୍ନୀ ସମ୍ଭୁତା ମୁଁ ପାଞ୍ଜାଳୀ ଦାସୀ
ଦାବାନଳେ ଜଳିଗଲି..।
ଅନ୍ଧ କୁରୁସଭା କପଟ ପଶାରେ
ପରାଜିତ ବାଜି ହେଲି..॥
ହେ..କୃଷ୍ଣ କେଶବ ..
ହେ..ପ୍ରାଣ ବାନ୍ଧବ ..
ତୁମେ ଥାଉ ନାଶ ଗଲି..।
ତୁମ ପଦ ତଳ ମନ୍ଦିକିନୀ କାହିଁ
ଅପବିତ୍ରା ଲୁହ ହେଲି..॥
ଭଗିନୀ ଜନନୀ ଜାୟା ହୋଇ ସୁଧା
ମାଟି ଠାରୁ ହୀନ ହେଲି..।
ପାତକ ନାଶିନୀ ତଥାପି ପାପିନୀ
ନିନ୍ଦା ନର୍କେ ଜଳିଗଲି..॥
ପର ପାଇଁ ପ୍ରତି କ୍ଷଣ ଜଳି ଶେଷ
ପାଉଁଶ ମୁଠେ ମୁଁ ଖାଲି..।
କଳଙ୍କ କାଳୀ ରେ ସମୟ ଲେଖିଲା
ଅଭାଗିନୀ ନାରୀ ବୋଲି..॥
*******************
ହେ..ଜଗନ୍ନାଥେ..
bhabani charan mishra
mohana (gajapati )
9438187739