ଅଭିଶପ୍ତ ଇଲାକା

ଗାନ୍ଧାରୀ ର ଅଭିଶାପ ହେଉଛି ଫଳବତୀ

ଗାନ୍ଧାରରେ ରକ୍ତର ହୋଲି ଖେଳୁଛିି ଶକୁୁୁନୀର ବଂଶ,

କୌରବ ରକ୍ତରେ ସେଦିନ ଯେମିତି ହୋଲି

ଖେଳିଥିଲା କପଟୀ ଶକୁନୀ-କପଟ ପଶାରେ।

ଗୁଳିଗୋଳା ବାରୁୁଦରେ ଯୋରାଷ୍ଟ୍ରିିିୟାନ ମାଟି

ଆଜି ଆକ୍ତାମାକ୍ତା,

ଚାରିପଟେ ଶୁଭେ ଖାଲି ଆର୍ତ୍ତନାଦ,ହାହାକାର

ନିଷ୍ଠୁର ସେ ଜହ୍ଲାଦ ମଣିଷ।

ଏହା କିିନ୍ତୁ ନୁୁହେଁ ଆଲ୍ଲାଙ୍କ ର ବାର୍ତ୍ତା,

ନୁହେଁ ଏହା ଯୀଶୁ ଙ୍କ ର ବାଣୀ,

 ଶ୍ରୀକୃଷ୍ଣଙ୍କ ନୁହେଁ ଏହା ଗୀତା ଜ୍ଞାନ।

ମା'ର ଅମୃତ-ଶିଶୁ ପାଇଁଁ ଅପହଞ୍ଚ,

ନୀରିହ ନିଷ୍ପାପ ଶିଶୁର ଭୟାର୍ତ୍ତ ଚାହାଣୀ

ଭୀତତ୍ରସ୍ତ ରମଣୀ ର ବୁୁୁକୁଫଟା ଚିତ୍କାର,

ତରୁୁୁଣୀ ର ଭରା ଯୌବନ ଭୂଲୁଣ୍ଠିତ,

ସବୁୁଆଡେ ଖାଲି ଅତ୍ୟାଚାର, ଧର୍ଷଣ

ନାହିଁ ଦୟା ମାୟା।

ରକ୍ତ ନଦୀ ଆଉ ଶବ ର ପାହାଡ଼ ପରେ

ଅହଂକାରୀ ମଣିଷ ଉଡାଉଛିି ବିଜୟୀ ପତାକା

ଏହା କ'ଣ ମାନବିକତା?

କେତେ ଦିିନ-କେତେ କାଳ-

ପାପର ଭାଣ୍ଡଟା ପୁୁରିଗଲା ପରେ

ପାପୀ ର ବିଚାର ହେବ ଆଲ୍ଲାଙ୍କ ଦରବାରେ,

କି  ଯୁୁକ୍ତିରେ ବିଜୟୀ ହେବୁ ?

ପତନ ତ ଅବସମ୍ଭାବୀ।

ଅପେକ୍ଷା କର ,ତୋ ପାଇଁଁ ଆସୁଛି ସେ

କାଳରାତ୍ରୀ ,ଗାଢ଼଼ ଅନ୍ଧକାର ନେଇ।