ଜୀବନ ଚାଲେ କ୍ରମଶଃ

ଜୀବନ ରହସ୍ୟ କିଏ ବା ଜାଣିଛି 

ଚିନ୍ତନେ ଲାଗେ ବିମର୍ଷ 

ଆଦି ଅନ୍ତ ମୂଳ ଏଠି ମିଳେ ନାହିଁ

ଜୀବନ ଚାଲେ କ୍ରମଶଃ ।

ମାତୃ ଗର୍ଭେ ମୋତେ ସଞ୍ଚାର କରିଲ

ପିତାମାତେ ଦେଇ ହର୍ଷ

ତାଙ୍କରି ଆଶିଷେ ଗଢି ତୋଳିଅଛ 

ଜୀବନ ଚାଲେ କ୍ରମଶଃ ।

ଶିଶୁର ଶୈଶବ କରିଥିଲି ଗତି

ଶାନ୍ତିରେ ନେଇ ନିଶ୍ୱାସ

ଜୀବନେ ଜଞ୍ଜାଳ କିଛି ଆସି ନାହିଁ

ଯାତ୍ରାଟା ଥିଲା କ୍ରମଶଃ ।

ପ୍ରେମର ଫଗୁଣ ଯୌବନେ ଆସିଛି

ସ୍ବପ୍ନ ଦେଖିଛି ଅଶେଷ

ନବ ଯୌବନ ସେ କାହିଁ ହଜିଗଲା 

ଜୀବନ ଚାଲି କ୍ରମଶଃ ।

ପିତାମାତାଙ୍କର ସେବା କରୁଥିଲି

ଛଡାଇଲ ମୋର ପାର୍ଶ୍ୱ

ଖୋଜିଲେ ତାଙ୍କର ଠିକଣା ଦେଉନ

ଜୀବନ ଚାଲେ କ୍ରମଶଃ ।

ସ୍ୱାସ୍ଥ୍ୟ ପରିବାର ସମ୍ପର୍କ ଆମର 

ମହତ୍ତ୍ୱ ରଖି କ୍ରମଶଃ

ପରିବର୍ତ୍ତନ ସେ ଅନେକ ଆଣିଛି

ଦେଖି ଶ୍ରାବଣ ଅଶେଷ ।

ଜୀବନେ ବାର୍ଦ୍ଧକ୍ୟ ଯେବେ ଆସିଗଲା

ଆସେ ମୋର ଅବଶୋଷ

ଜରାଜୀର୍ଣ୍ଣ ହୋଇ ଦୁଃଖ ଭୋଗୁଅଛି 

ଜୀବନ ଚାଲେ କ୍ରମଶଃ ।

ସବୁ ଯାତ୍ରା ଆଜି ସଂସାରେ ଦେଖିଲି 

ଦୁଃଖ ଯନ୍ତ୍ରଣା ପ୍ରବେଶ

ବଞ୍ଚିବାକୁ ରାହା ଏଠି ମିଳୁନାହିଁ

ଜୀବନ ଚାଲେ କ୍ରମଶଃ ।

ଜୀବନ ଯାତ୍ରାଟା ଅନ୍ତେ ଶେଷ ହେବ 

ଅଦୃଶ୍ୟ ପଥେ ପ୍ରବେଶ

କେଉଁଠିକି ଯାଇ ପଞ୍ଚଭୂତେ ଲୀନ

ଯାତ୍ରାଟା ହେବ କ୍ରମଶଃ ।

ଜୀବନ ଯାତ୍ରା ସେ ଲାଗଇ ଅଜବ

କରି ଯାତ୍ରା ସେ କ୍ରମଶଃ

ସୁଖ ଦୁଃଖ ସବୁ ଜୀବନେ ଦେଖୁଛି

ଶେଷରେ ହେଉଛି ନାଶ ।