ଅଭିମାନୀ ପ୍ରିୟା
ଅଭିମାନୀ ପ୍ରିୟା
ଅଭିମାନିନୀ ପ୍ରିୟା ମୋର ସିଏ
ଅଳ୍ପ ଟିକେ ଚୁଲୁବୁଲି
ଛୋଟ ପିଲା ପରି ଭାରି ସେ ଚଗଲି
ଟିକେ ପୁଣି ଲାଜକୁଳୀ
ଅଭିମାନ ତାର ସବୁ ମୋ ଉପରେ
ପାଣି ର ଫଟକା ପରି
ଦେଖିଦେଲେ ମତେ ସବୁ ଭୁଲିଯାଏ
ସବୁ ଦିଏ ସେ ପାସୋରି
ଅଭିମାନିନୀ ମୋ ପ୍ରିୟା କହିଦିଏ
ଛାଡିବୁନି କେବେ ହାତ
ସାରା ଜୀବନ ମୁଁ ଚାଲିବି ତୋ ସାଥେ
ହୋଇ ତୋ ଜୀବନ ମିତ
ଅଭିମାନ ତାର ସୁନା ରୂପା ନୁଁହ
ପ୍ରେମରେ ଦିପଦ କଥା
ପ୍ରେମଭରା ଟିକେ କଥା ହୋଇଗଲେ
ଭୁଲିଯାଏ ପଛ କଥା
କଇଁ କଇଁ ହୋଇ କାନ୍ଦି କହିଦିଏ
ତା ମନ ର ସବୁ କଥା
ଛାତିରେ ଆଉଜି ଦେଲେ ତାକୁ ଟିକେ
ଭୁଲି ଯାଏ ଦୁଃଖ ବ୍ୟଥା
ଛାଇ ଟିଏ ପରି ରହେ ମୋର ସାଥେ
ସବୁ ଦୁଖେ ସବୁ ସୁଖେ
ସାରା ଜୀବନ କୁ ହାତ ଧରି ତାର
ଚାଲିବାକୁ କୁହେ ମତେ