ଅଭିମାନୀ ବର୍ଷା

ଆଜି ଆମ ଗାଁ ରେ ବର୍ଷା ହେଲା

ଗାଁ ଠୁ ସହର

ସହର ଠୁ ନଗର 

ସବୁଠି ପାଣିର ସୁଅ ଛୁଟିଲା

ହେଲେ,ତୁମ ଗାଁ ଛଡା 

ଅନ୍ୟ ସବୁଠି ବର୍ଷା ହେଲା ।

ଅମାନିଆ ବର୍ଷାଟା ଭାରି ଜିଦି କଲା

ଅବେଳରେ ଅସମୟରେ 

ଅମାନିଆ ଲୁହ ଭଳି ଝରିପଡ଼ିଲା

ଗୁମସୁମ ବାଦଲ ଭିତରୁ

ରିମିଝିମ ହେଇ ଆକାଶୁ ଝରିଆସିଲା

ହେଲେ,ତୁମ ଗାଁ ଛଡା

ଅନ୍ୟ ସବୁଠି ବର୍ଷା ହେଲା ।

ବିଜୁଳି ଚକମକ୍ ହେଇ

ଆଲୁଅ ଜଳେଇ ବର୍ଷା 

ନିଜ ଅସ୍ତିତ୍ବ ଜାହିର କଲା

ଘଡଘଡିର୍ ମୃଦଙ୍ଗ ବଜେଇ

ପାଉଁଜି ପିନ୍ଧି ଚାରିଆଡେ 

ପ୍ରୀତି ନାଚରେ ବରଶି ଉଠିଲା

ହେଲେ,ତୁମ ଗାଁ ଛଡ଼ା

ଅନ୍ୟ ସବୁଠି ବର୍ଷା ହେଲା ।

ଚୁଲୁବୁଲି ବର୍ଷା ଆଜି

ମାନଖୋଲି ନାଚି ଉଠିଲା

ପବନରେ ଗୀତ ଗାଇ

ଧୂଳି ରାଶିର୍ ଝଙ୍କାରେ

ଚାରିଦିଗେ ଆଜି ନାଚିଉଠିଲା

ହେଲେ,ତୁମ ଗାଁ ଛଡା

ଅନ୍ୟ ସବୁଠି ଏଇ ଅଭିମାନୀ ବର୍ଷା ପଡ଼ିଲା ।