ମାନ ତେଜ ରାଇକିଶୋରୀ
ମାନ ତେଜ ରାଇକିଶୋରୀ
ମାନ ତେଜ ରାଇକିଶୋରୀ,
କଣ୍ଟ ଦେଇ କାଲି ଆସିଲିନି ବୋଲି
ମୋହନକୁ ମନୁ ଗଲ ପାସୋରି
ମାନ ତେଜ ରାଇକିଶୋରୀ ।
କାଲି ସଞ୍ଜବେଳେ ତୁମକଥା ଭାଳି,
ଆସୁ ଆସୁ ଦାଣ୍ଡେ ଶୁଣିଲି ମୁଁ ଗାଳି
'ନନ୍ଦ ପୁଅ ଦମ୍ଭ ଗଲାଣି ତ ବଳି
ସାଜିଲାଣି ସିଏ ଆମ ଭଗାରୀ'
ମାନ ତେଜ ରାଇକିଶୋରୀ ।
ନିତିପ୍ରତି ଶୁଣି ତା' ମୁରଲୀ ସ୍ଵନ,
ଧାଇଁ ଯାଆନ୍ତି ଲୋ ଯେବେ ବୃନ୍ଦାବନ
ଲୀଳା କରୁଥା'ନ୍ତି ରାଇ ସଙ୍ଗେ ଶ୍ୟାମ
ଆନ ଗୋପିଙ୍କର କଥା ପାସୋରି
ମାନ ତେଜ ରାଇକିଶୋରୀ ।
ତାଙ୍କ ଅଭିଯୋଗ ଶୁଣି ଅଟକିଲି,
ଭେଦା ଭେଦ କିଛି ନାହିଁ ବୁଝାଇଲି
ସାଥେ ଆଣିଅଛି ଆଜି-ଚାହଁ ବୁଲି
ଆଜ୍ଞା ଦେଲେ କୁଞ୍ଜ ଉଠିବ ପୂରି
ମାନ ତେଜ ରାଇକିଶୋରୀ ।